შემოდგომიდან საქართველოში ევროკავშირის მიმართ ნდობა შემცირებულია | ევრობარომეტრის კვლევა
ევრობარომეტრის კვლევა
ევრობარომეტრის კვლევის მიხედვით, გასული წლის შემოდგომიდან ევროკავშირისადმი ნდობა საქართველოში შემცირდა. 2025 წლის გაზაფხულზე ჩატარებული კვლევა აჩვენებს, რომ საქართველოს მოსახლეობის 49% უფრო ენდობა ევროკავშირს, 37% მიდრეკილია უნდობლობისკენ, ხოლო 14%-ს პასუხი არ აქვს.
ევრობარომეტრის გაზაფხულის კვლევის საველე სამუშაოები საქართველოში 2025 წლის 27 მარტიდან 17 აპრილამდე ჩატარდა, იქამდე კი უკანასკნელი კვლევა 2024 წლის ოქტომბერ-ნოემბრის მონაცემებს ასახავდა. კვლევის ფარგლებში საქართველოში 1011 რესპონდენტი გამოიკითხა.
რას ამბობს კვლევა:
● შემცირებულია იმ ქართველების წილი, ვისთვისაც ევროკავშირს დადებითი იმიჯი აქვს – შემოდგომაზე ასეთი 47% იყო, გაზაფხულზე კი – 37%. ახლა 47% ამბობს, რომ ევროკავშირს ნეიტრალურად უყურებს, 14% – ცუდად.
● საქართველოს მოსახლეობის უმრავლესობა მიიჩნევს, რომ ევროკავშირის წევრობა კარგი იქნება საქართველოსთვის. ასე ფიქრობს გამოკითხულების 60%, მაგრამ შემოდგომაზე იმავე აზრზე 69% იყო.
● მოსახლეობის 75% ფიქრობს, რომ საქართველო სარგებელს მიიღებს ევროკავშირში გაწევრიანებისგან. გასული წლის მაჩვენებელი 82% იყო.
● საქართველოს პარლამენტს ქართველების 45% ენდობა, საქართველოს მთავრობას კი – 51%.
● ქვეყანაში ეკონომიკურ მდგომარეობას ნეგატიურად აფასებს გამოკითხულთა 40%, 56% კი მიიჩნევს, რომ საქართველოში ცუდი ეკონომიკური მდგომარეობაა.
● გამოკითხულთა 33% ქვეყნის ყველაზე მნიშვნელოვან გამოწვევად საცხოვრებელ ხარჯებსა და მზარდ ფასებს ასახელებს. 19% კი ეკონომიკურ სიტუაციას.
● საცხოვრებელ ხარჯებსა და მზარდ ფასებს ქვეყნის წინაშე არსებულ მნიშვნელოვან საკითხად მიიჩნევს რესპონდენტთა 33%, 24% კი უმუშევრობას. 19% ფიქრობს, რომ მთავარი გამოწვევა ეკონომიკური სიტუაციაა.
ევროკავშირისადმი ნდობის სტატისტიკა კანდიდატის სტატუსის მიღებიდან, მას შემდეგ, რაც ევროკავშირი სტანდარტულ ევრობარომეტრს საქართველოშიც ატარებს:
- 2024 წლის გაზაფხული — 66%
- 2024 წლის შემოდგომა — 58%
- 2025 წლის გაზაფხული — 49%
