ბენჟამინ ჰადადი: უკრაინაში, მოლდოვაში, საქართველოს ქუჩებში - ბავშვები სამიზნე ხდებიან იმის გამო, რომ ევროპულ დროშებს აფრიალებენ

ბენჟამინ ჰადადი საქართველოზე

საფრანგეთის მინისტრმა ევროპის საკითხებში, ბენჟამინ ჰადადიმ ვარშავის უსაფრთხოების ფორუმზე განაცხადა, რომ რეფორმები უნდა გაგრძელდეს მიუხედავად იმისა, გაფართოების პროცესი წინ მიიწევს თუ არა. მისივე თქმით, უკრაინაში, მოლდოვაში, საქართველოს ქუჩებში – ბავშვები სამიზნე ხდებიან იმის გამო, რომ ევროპულ დროშებს აფრიალებენ.

"ოცნება საქართველოს მოსახლეობას ევროპის კარს უხურავს" – ტვ პირველის ინტერვიუ ბენჟამინ ჰადადთან

“მოლაპარაკების მაგიდაზე სანქციების გარდა დევს, როგორც საქართველოსთვის კანდიდატის სტატუსის გადახედვა, ასევე ქვეყნისთვის უვიზო რეჟიმის შეჩერება”

ბეჟამინ ჰადადი: “რეფორმები უნდა გაგრძელდეს მიუხედავად ყველაფრისა. იცით, არ შეიძლება ამტკიცოთ, რომ რადგან პროცესის თვალსაზრისით მაშინვე ვერ ხედავთ წინსვლას, შეაჩერებთ რეფორმებს, რადგან რეფორმები თავისთავად კარგია და ისინი კარგია ქვეყნისთვის იმისდა მიუხედავად, დაუყოვნებლივ დაიწყება თუ არა გაფართოების პროცესი.

ჩემთვის ნათელია, რომ იმ დროს, როდესაც ევროპაში, შესაძლოა, ბევრი ადამიანი იყოს დაღლილი ევროკავშირით, თქვენ უბრალოდ უნდა წახვიდეთ უკრაინაში, მოლდოვაში, საქართველოს ქუჩებში, სადაც ბავშვები სამიზნედ ხდებიან, რადგან ისინი ევროპულ დროშებს აფრიალებენ, როგორც ეს 11 წლის წინ მაიდანზე მოხდა, დასავლეთ ბალკანეთში, სადაც ქვეყნები რეფორმებით წინ მიიწევენ.

ხედავ, რომ ევროპის სული ზოგჯერ კანდიდატ ქვეყნებში უფრო გხვდება, ვიდრე ბრიუსელის ოფისებში. ვფიქრობ, ეს ჩვენთვის სტიმულს და შთაგონებას ქმნის და გვახსენებს, რომ თუ ევროკავშირის მიმართ ცინიკურად ხართ განწყობილი, გყავთ ადამიანები, რომლებიც რეალურად რისკავენ საკუთარ სიცოცხლეს ამ ოჯახში გაწევრიანების მცდელობით. ამიტომ, ჩვენ უნდა ვიპოვოთ გზები და ზეწოლა მოვახდინოთ უნგრეთზე და იმ ქვეყნებზე, რომლებიც ამ პროცესს თავს ესხმიან.“