რამდენიმე დღის წინ ძლიერი წვიმისა და მდინარეების ადიდების შედეგად აფხაზეთის თითქმის მთელი სანაპირო ნაწილი დაიტბორა. სტიქიისგან ყველაზე მეტად ცნობილი კურორტები, გაგრა და ბიჭვინთა დაზარალდნენ. ბევრ რუს ტურისტს აფხაზეთში დასვენება ჩაუშხამდა – არ არის შუქი, არ არის სასმელი წყალი, ჩამოირეცხა გზები, დაზიანდა დამსვენებლების რამდენიმე მანქანა.
ასლან ბჟანია, რომელიც გაგრის რაიონში სტიქიის შედეგების გასაცნობად ჩავიდა, წყალდიდობის შედეგად დაზარალებულ ტურისტებს შეხვდა. ზოგიერთ მათგანს მან ჰკითხა, პური და ორცხობილა თუ ჰქონდათ. ახლა სოციალური ქსელები აქტიურად “ტროლავენ” პრეზიდენტს ამ არარელევანტური კითხვების გამო.
ახალგაზრდა მოხალისეებმა, რომლებიც გაგრის რაიონში სტიქიის შედეგების აღმოსაფხვრელად ჩავიდნენ, მოგზაურობის შემდეგ გადაიღეს ჯგუფური ფოტო გაწვდილი ხელებით, რომელშიც ფუნთუშებით უჭირავთ.
სოციალურ ქსელებში ჩნდება დადგმული ვიდეოები, სადაც ადამიანები მაღაზიაში ან კაფეში ეკითხებიან გამყიდველებს პურისა და ფუნთუშების ხელმისაწვდომობის შესახებ.
ხოლო ცნობილმა აფხაზმა შოუმენმა, მხიარულთა და საზრიანთა გუნდის ყოფილმა წევრმა ბაბასიკ შაკაიამ გადაიღო სცენა, სადაც დატბორილი ბუნგალოს დონეს ფუნთუშების შეკვრით ზომავს.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
