აფხაზეთის ოპოზიციამ ასლან ბჟანიას ულტიმატუმი წაუყენა და მას 10 დღე მისცა საჯაროდ უარი თქვას იმ ინიციატივებზე და კანონპროექტებზე, რომლებიც „საფრთხეს უქმნის ეროვნულ ინტერესებს და აფხაზეთის მოქალაქეების კონსტიტუციურ უფლებებსა და თავისუფლებებს“.
სია საკმაოდ შთმბეჭდავია:
კანონპროექტი ბინების შესახებ, რომელიც უცხოელებს საშუალებას აძლევს შეიძინონ უძრავი ქონება აფხაზეთში;
ენერგეტიკის სექტორის პრივატიზაცია და მასში რუსული კერძო კაპიტალის დაშვება;
კანონპროექტი უცხოური აგენტების შესახებ;
მოქალაქეთა უფლებებისა და თავისუფლებების შემზღუდველი სხვა კანონპროექტები.
ულტიმატუმი მიიღეს შეხვედრაზე, რომელშიც საზოგადოებრივი ორგანიზაციებისა და პოლიტიკური პარტიების წარმომადგენლების გარდა, ექს-პრეზიდენტი რაულ ხაჯიმბაც მონაწილეობდა.
შეხვედრის მონაწილეები ეროვნული ინტერესების მთავარ საფრთხედ სოხუმის ამჟამინდელ ხელმძღვანელობას მიიჩნევენ და აცხადებენ, რომ თუ მათი მოთხოვნები არ დაკმაყოფილდება, გამოაცხადებენ საერთო ეროვნულ თანხმობას.
“მსგავს სიტუაციებში, ისტორიულად და ტრადიციულად, ასეთი საბედისწერო პრობლემების გადაწყვეტა მთელი ერის, ყველა მოქალაქის მხრებზე გადადიოდა, რომლებიც ზედმიწევნით იცავდნენ თავისუფლებას, დამოუკიდებლობას და ეროვნულ ინტერესებს.
მოვუწოდებთ ყველა საზოგადოებრივ ორგანიზაციას, ინტელექტუალსა და ახალგაზრდულ ორგანიზაციას, განსაკუთრებული ყურადღება მიაქციონ ამ საკითხებს და შემოგვთავაზონ ჩიხიდან გამოსვლის გზები.” – ნათქვამია მიმართვაში.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
