აფხაზეთში კერძო ბიზნესს ენერგეტიკის სექტორში შეუშვებენ, მაგრამ მიწის გაყიდვაზე აკრძალვა არ მოიხსნება
ბჟანია ენერგეტიკისა და მიწების შესახებ აფხაზეთში
მიწისა და ობიექტების გადაცემა/გაყიდვა ენერგეტიკის სექტორში – ეს ორი თემა ერთ-ერთი ყველაზე მგრძნობიარეა აფხაზეთში და, შესაბამისად, სწორედ ისინი იკავებდნენ მთავარ ადგილს ექსპერტების მიერ პრეზიდენტ ასლან ბჟანიას მოხსენებაში მის მიერ გაწეული მუშაობის შესახებ.
პრეზიდენტმა თქვა, რომ პირველად რუსულ კერძო ბიზნესს ენერგეტიკის სექტორში ინვესტიციის განხორციელების უფლება მიეცემა და ამით მკვეთრად განეიტრალდება ამ საკითხთან დაკავშირებით საზოგადოებაში ხანგრძლივი დავები და შიშები.
- მოსაზრება: ენერგოკრიზისი აფხაზეთში ვერ გადაიჭრება, სანამ ქსელში კერძო ბიზნესს არ დაუშვებენ
- მოსაზრება: აფხაზეთში ელექტროენერგიის ფასი გაორმაგდება
- მოსაზრება: აფხაზეთი უშუქოდ და ბიზნესი სახელმწიფოს ხარჯზე
- ომისა და მშვიდობის ჰესი. ფილმი
მაგრამ ასლან ბჟანიამ გააქარწყლა შიში სხვა მნიშვნელოვან საკითხთან დაკავშირებით – მიწის მიყიდვა უცხოელებზე და განაცხადა, რომ ეს კვლავაც აკრძალული იქნება.
პრეზიდენტის ერთსაათიანი გამოსვლის ძირითადი ნაწილი სახელმწიფოს მიერ დაფინანსებული ინფრასტრუქტურული პროექტების ჩამონათვალი იყო: გზების მშენებლობა და შეკეთება, წყალმომარაგება, კანალიზაცია, ელექტროგადამცემი ხაზები, სკოლები, საავადმყოფოები, კულტურული ცენტრები და მუზეუმები.
რაც ბჟანიამ ამავე დროს არ თქვა, არის ის, რომ ამ ობიექტების აბსოლუტური უმრავლესობა დაფინანსდა რუსული დახმარებით. ამიტომ, სოციალურ ქსელებში წერენ, რომ პრეზიდენტს ეს „სამშენებლო ბუმი“ პირადა მის განსაკუთრებულ დამსახურებად არ უნდა წარმოეჩინა.
2008 წელს რუსეთის მიერ აფხაზეთის აღიარების მომენტიდან, რუსული ტრანშები აფხაზეთში რეგულარულად მიდის თითოეული პრეზიდენტის დროს – სერგეი ბაღაფშის, ალექსანდრ ანქვაბისა და რაულ ხაჯიმბას დროს. ახლა ეს ფინანსური ნაკადი გრძელდება ასლან ბჟანიას დროსაც და, ალბათ, მომავალი პრეზიდენტის დროსაც გაგრძელდება, რა გვარიც არ უნდა ჰქონდეს მას.
- ასლან ბჟანიამ პარლამენტზე სრული კონტროლი მიიღო
- ”აფხაზეთის ნებისმიერ ლიდერს ორი პრობლემა აქვს: დახმარება უნდა ითხოვოს და ახსოვდეს, რომ ამისთვის გადახდა მოუწევს”
- აფხაზეთის ახალი პრეზიდენტის გამოწვევები
შეუშვით რუსები ენერგეტიკულ სექტორში
სექციაში „მომავლის გეგმები“ ალბათ ყველაზე მნიშვნელოვანი იყო პრეზიდენტის სიტყვები იმის შესახებ, რომ განზრახული აქვს კერძო ბიზნესი ენერგეტიკულ ინდუსტრიაში დაუშვას, რომელიც, არსებული კანონმდებლობით, სახელმწიფოს იურისდიქციაშია.
ბჟანიამ პირდაპირ თქვა, რომ აფხაზეთი ვერ უმკლავდება ელექტროენერგიის ინდუსტრიას, ელექტროენერგიის რეგულარულ გადაუდებელ გათიშვებსს და გამომუშავების ნაკლებობას.
„ენერგეტიკული სისტემის კრიზისიდან გამოსაყვანად, 2017 წელს ნავარაუდები სპეციალისტების გათვლებით, მინიმუმ 20 მილიარდი რუბლია საჭირო. ხოლო მთელი საკუთარი სახსრების წილი აფხაზეთის რესპუბლიკის სახელმწიფო ბიუჯეტში მხოლოდ 6,5 მილიარდი რუბლია [დაახლოებით 1,5 მილიონი აშშ დოლარი]“, – აცხადებს პრეზიდენტი.
ბჟანია არსებული ენერგეტიკული კრიზისიდან გამოსავალს ინდუსტრიის რეფორმაში და კერძო ინვესტიციების მოზიდვაში ხედავს. თავის მოხსენებაში პრეზიდენტს პირდაპირ არ უთქვამს, რომ უცხოურ, უფრო ზუსტად კი რუსულ ბიზნესს აფხაზეთის ენერგოსექტორის დენაციონალიზაციის უფლება მიეცა, მაგრამ მითითებული საინვესტიციო წინადადების ოდენობა აშკარად არ არის დამაკმაყოფილებელი ჰიპოთეტური აფხაზი ინვესტორისთვის, ამიტომ პრეზიდენტმა ცალსახად ეს იგულისხმა.
ასეთი რეფორმის მთავარ პირობას ბჟანია ენერგოსისტემის მართვაში სახელმწიფოს საკვანძო როლის შენარჩუნებას უწოდებს, მაგრამ არ არის დარწმუნებული, რომ პროცესი ამ სცენარს მოჰყვება. ისევე, როგორც არ არის დარწმუნებული, რომ მოხმარებული ენერგიის ტარიფი არ გადავა „თავისუფალ ვარდნაში“.
ბჟანია, როგორც რეფორმატორი – არის რაიმე წარმატებები?
პრეზიდენტის მოხსენებაში სიტყვა „რეფორმა“ მხოლოდ ენერგეტიკის კონტექსტში იყო ნახსენები.
იმავდროულად, პრეზიდენტობისკენ მიმავალ გზაზე, ასლან ბჟანიამ თავი სისტემურ რეფორმატორად დასახა. მან ისაუბრა საკონსტიტუციო რეფორმის აუცილებლობაზე, სამართალდამცავ სფეროში რეფორმებზე, ბიუროკრატიული აპარატის შემცირებაზე და ბევრ სხვაზე.
თუმცა, ახლა ის არ ახსენებს რეფორმებს, თუნდაც იქ, სადაც გარკვეული მოვლენები მიმდინარეობს. მაგალითად, ერთი წლის წინ ბჟანიას მიერ შექმნილმა კონსტიტუციის რეფორმირების კომისიამ ცვლილებების შეტანის რეკომენდაციები გასცა. თუმცა, ამ ეტაპზე ყველაფერი შეჩერებულია.
აეროპორტი და გაზიფიცირება
ექსპერტები ამბობენ, რომ რეფორმის ნაცვლად ბჟანია მეგაპროექტებზე გადავიდა. კერძოდ, მას იმედი აქვს, რომ აღადგენს სოხუმის აეროპორტს, რომელიც უმოქმედოა 1993 წლის აფხაზეთის ომის შემდეგ.
მისი თქმით, მისი საპრეზიდენტო ვადის დასრულებამდე, 2025 წელს აფხაზეთსა და რუსეთის ფედერაციას შორის საჰაერო კომუნიკაცია დამყარდება. ამჟამად, მართლაც მიმდინარეობს საპროექტო და აზომვითი სამუშაოები, რომლის დასრულება 2023 წელს იგეგმება, რის შემდეგაც, სავარაუდოდ, აეროპორტის მშენებლობა დაიწყება.
ასლან ბჟანიას მიერ რუსული ფულით გამოცხადებული კიდევ ერთი ინფრასტრუქტურული პროექტი გაზიფიკაციაა.
მისი თქმით, ეს შესაძლებელს გახდის ელექტროენერგეტიკული სისტემის დატვირთვის შემცირებას და მის მდგრადობას. ამ წუთებში მუშავდება აფხაზეთის გაზიფიცირების ზოგადი სქემა.
აფხაზეთში რუსული კაპიტალის ფართოდ მოზიდვის გაცხადებული გეგმების მიუხედავად, ასლან ბჟანიამ განაცხადა, რომ „ეს არ ნიშნავს აფხაზეთის რესპუბლიკის მოსახლეობის მიწების ან განუყოფელი ქონების გაყიდვას. მიწის გაყიდვაზე საუბარი არ შეიძლება“.
„ჩვენი გზა სტაგნაციისგან გასვლაა განვითარებისკენ“, – აცხადებს აფხაზეთის პრეზიდენტი – ჩვენ ღია უნდა ვიყოთ მათთვის, ვინც ღიაა ჩვენთვის და გვაღიარებს, ვისაც სურს ჩვენთან თანამშრომლობა და გრძელვადიანი, საიმედო და პატიოსანი ურთიერთობების დამყარება ჩვენს ქვეყანასთან.“
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
ბჟანია ენერგეტიკისა და მიწების შესახებ აფხაზეთში
