სააკაშვილმა განაცხადა, რომ 10 სექტემბერს უკრაინაში დაბრუნდება

საქართველოს ყოფილმა პრეზიდენტმა, ოდესის ოლქის ყოფილმა გუბერნატორმა თქვა, რომ 10 სექტემბერს უკრაინაში დაბრუნებას აპირებს.  ამის შესახებ მან  Facebook-ზე, პირდაპირი ტრანსლაციის დროს განაცხადა.

სააკაშვილმაის თქმით, ის უკრაინაში პოლონეთიდან, გამშვები პუნქტი „კრაკოვეციდან“  ლვოვის ოლქში შევა.

მისი სიტყვებით,  მისთვის მოქალაქეობის ჩამორთმევისშესახებ პრეზიდენტ პორიშენკოს ბრძანებულებას კანონიერადაც თუ მივიჩნევთ, უკრაინის ხელისუფლებას მისი ქვეყანაში არშეშვების უფლება მაინც არ აქვს, რადგან მიუხედავად იმისა, რომ ის მოქალაქეობის არმქონე პირია, მისი მუდმივი საცხოვრებელი ადგილი მაინც უკრაინაა. „ ჩემი მუდმივი საცხოვრებელი მისამართი უკრაინაშია, ყველა პირადი ნივთიც – უკრაინაში მაქვს. უკრაინაში უამრავი მეგობარი მყავს და ვარ იმ პოლიტიკური მოძრაობის ინიციატორი, რომელიც უკრაინაშია დარეგისტრირებული, და სახელად „ მიხეილ სააკაშვილის რუხ ნოვიხ სილ“ ჰქვია. ანუ ეს აბსურდია – უკრაინაში არსებობს (ჩემი) პოლიტიკური მოძრაობა, პარტია, მე კი იქ არ მიშვებენ“, – განაცხადა მიხეილ სააკაშვილმა.

მისი თქმით, უკრაინის ხელისუფლება ცდილობს, რომ მის დაბრუნებას ხელი შეუშალოს – საზღვრის გამაგრებითა და ისეთი კანონების მიღებით, რაც მის ქვეყანაში დაბრუნებას შეაფერხებს. თუმცა, სააკაშვილს მომხრეების მხრდაჭერის იმედი აქვს, რომლებსაც „კრაკოვეცის“ გამშვებ პუნქტთან თავშეყრისკენ მოუწოდა. სააკაშვილმა ასევე განაცხადა,  რომ დაბრუნებისას მის გვერდით ჟურნალისტები და პოლონელი მახრდამჭერები იქნებიან.

მიხეილ სააკაშვილი აცხადებს, რომ მოქალაქეობის აღსადგენად სასამართლოში ბრძოლას აპირებს.

26 ივლისს პრეზიდენტმა პოროშენკომ თავისი ბრძანებულებით სააკაშვილს ჩამოართვა უკრაინის მოქალაქეობა, რომელიც მას 2015 წელს პოროშენკოს ბრძანებულებითვე მიენიჭა. უკრაინის სახელმწიფო მიგრაციული სამსახურის განცხადების თანახმად, ამ გადაწყვეტილების მიზეზი ის გახდა, რომ სააკაშვილმა მოქალქეობის მიღებისას თავის შესახებ არასწორი ინფორმაცია მიუთითა.