საქართველოს ელჩს ყაზახეთში, ზურაბ აბაშიძეს კორონავირუსი დაუდასტურდა

საქართველოს ელჩს ყაზახეთში, ზურაბ აბაშიძეს, კორონავირუსი დაუდგინდა.

საქართველოს საგარეო საქმეთა სამინისტროს ინფორმაციით, აბაშიძე მკურნალობის კურსს ყაზახეთში გადის და მის მკურნალ ექიმებთან მუდმივ კონტაქტზე არიან ქართველი მედიკოსები.

ორმხრივი პნევმონიის დიაგნოზით საავადმყოფოში მკურნალობს ზურაბ აბაშიძის მეუღლეც.

ყაზახეთში კორონავირუსის დადასტურებული შემთხვევების რაოდენობამ 16 ათასს გადააჭარბა, 105 ადამიანი კი გარდაიცვალა.