საქართველოში საჯარო მოსამსახურეები პროფესიულ კავშირს აფუძნებენ

საჯარო მოსამსახურეების პროფესიული კავშირი

საქართველოში საჯარო მოსამსახურეები დამოუკიდებელ პროფესიულ კავშირს აფუძნებენ. დამფუძნებლებმა იუსტიციის სახლს განაცხადის რეგისტრაციის მიზნით უკვე მიმართეს.

გავრცელებული ინფორმაციით, ორგანიზაცია, დაფუძნებისთანავე დღის წესრიგში დააყენებს იმ “რეპრესიული აქტის” საკითხს, რომელიც მიზნად ისახავს საჯარო სამსახურებში “პოლიტიკური წმენდის” დაკანონებას.

იურისტის განმარტება: რა შეიცვალა საჯარო სამსახურის შესახებ კანონში

იურისტი თამარ სურმავა და დეტალურად ხსნის, თუ რას ნიშნავს ეს კანონი

“ორგანიზაცია, სახელწოდებით “საჯარო მოსამსახურეთა დამოუკიდებელი პროფესიული კავშირი – კონსტიტუციის 78-ე მუხლი“ ამჟამად არასრულად წარმოადგენს საჯარო სექტორში დასაქმებულ იმ პირებს, რომლებმაც საჯარო განცხადებებით გამოხატეს ერთგულება საქართველოს კონსტიტუციის 78-ე მუხლში გაცხადებული საქართველოს მოსახლეობის ნებისა და სახელმწიფოს ეროვნული ინტერესების მიმართ, რაც გულისხმობს ქვეყნის სუვერენიტეტის, ტერიტორიული მთლიანობის, ევროპული და ევრო ატლანტიკური მისწრაფებების დაცვას”, – ნათქვამია გავრცელებულ ინფორმაციაში.

რა წერია განცხადებაში

● საჯარო მოსამსახურეთა დამოუკიდებელი პროფესიული კავშირი მიზნად ისახავს საჯარო მოსამსახურეების შრომითი, სოციალურ-ეკონომიკური, სამოქალაქო-პოლიტიკური უფლებებისა და სამართლებრივი ინტერესების დაცვას;

● საჯარო მოსამსახურეების სამუშაო პირობების, ანაზღაურებისა და სოციალური უზრუნველყოფის გაუმჯობესება და ხელშეწყობას;

● საჯარო მოსამსახურეებისათვის სამართლებრივი დახმარებისა და კვალიფიციური კონსულტაციის გაწევას, ასევე ადვოკატირებას;

● საჯარო მოსამსახურეების პროფესიული განვითარების ხელშეწყობასა და საქმიანობის სტანდარტების ამაღლებას, ახალი ცოდნის/უნარების შეძენის ან/და გადამზადების თვალსაზრისით, თეორიული და პრაქტიკული ღონისძიებების უზრუნველყოფას;

● საზოგადოებაში საჯარო მოსამსახურეთა როლის განმტკიცება და საჯარო მმართველობის მიმართ მოქალაქეთა ნდობისა და ჩართულობის ზრდას;

● ევროინტეგრაციის ფარგლებში, კარგი მმართველობის პრინციპზე დაფუძნებული, ინსტიტუციური რეფორმების მხარდაჭერას;

● საქართველოს გრძელვადიანი სახელმწიფო ინტერესების შესაბამისი, საქართველოს კონსტიტუციის მხარდამჭერი, დემოკრატიული, კანონის უზენაესობასა და ადამიანის უფლებებზე დაფუძნებული, მაღალი პროფესიული და ეთიკური სტანდარტების, სტაბილური, ეფექტური და გამჭვირვალე საჯარო მმართველობის ჩამოყალიბების ხელშეწყობას;

● ორგანიზაცია, დაფუძნებისთანავე დღის წესრიგში დააყენებს იმ რეპრესიული აქტის საკითხს, რომელიც მიზნად ისახავს საჯარო სამსახურებში პოლიტიკური წმენდის დაკანონებას;

● პროფესიული კავშირი მზად არის, მიმართოს კანონის ფარგლებში არსებულ ყველა ზომას და დაიცვას საჯარო მოსამსახურეების უფლებები.

საჯარო დაწესებულებების ხელმძღვანელებისთვის სახელმწიფო ენის ცოდნა სავალდებულო აღარ იქნება

“საჯარო დაწესებულების ერთეულების ხელმძღვანელები და მათი მოადგილეები აღარ ითვლებიან საჯარო მოხელეებად”

“ქართული ოცნების” ერთპარტიულმა პარლამენტმა საჯარო სამსახურის შესახებ კანონში ცვლილებები დაჩქარებული წესით 16 დეკემბერს მიიღო. ცვლილებების მიხედვით მიხედვით საჯარო დაწესებულებების ხელმძღვანელებისა და მათი მოადგილეებისთვის სახელმწიფო ენის ცოდნა სავალდებულო აღარ იქნება.

იურისტების განმარტებით, სახელმწიფო ენის ცოდნა სავალდებულოა საჯარო მოხელეებისთვის, თუმცა კანონში მიღებული ცვლილებებით, საჯარო დაწესებულების პირველადი სტრუქტურული ერთეულების ხელმძღვანელები და მათი მოადგილეები აღარ ითვლებიან საჯარო მოხელეებად.