80 წლის ტარიელ ზუმბაძე ფოლკლორული ანსამბლის „მესხეთის“ უხუცესი წევრია. ანსამბლი ახალციხეში 1947 წლიდან არსებობს და დღემდე ყველა ღონისძიების მთავარი მონაწილეა.
უხუცესი ლოტბარი ამბობს, რომ სიმღერის ნიჭი დედისგან გამოჰყვა, ოჯახში შვიდი და-ძმა იყვნენ და ყველა მღეროდა. არ სჯერა, რომ სიმღერა ისწავლება და არც იმ ადამიანების ესმის, ვინც ფიქრობს, რომ ახლა, ამ გაჭირვების დროს, საქართველოში სიმღერის დრო არ არის.
