329 ადამიანი დაიღუპა გასულ წელს საქართველოს გზებზე
შინაგან საქმეთა სამინისტროს სტატისტიკური მონაცემებით, 2018 წელს ქვეყანაში 3071 სატრანსპორტო შემთხვევა მოხდა, რომელთა დროსაც 329 ადამიანი დაიღუპა, რაც 2 პროცენტით მეტია 2017 წელთან შედარებით.
ავტოავარიების სტატისტიკა საქართველოში საგანგაშოა ყოველ წელს საგანგაშოა და ეს ციფრები წლიდან წლამდე არ მცირდება.
შედარებისთვის: 2017 წელს სულ 2626 სატრანსპორტო დანაშაული დაფიქსირდა და მათგან 322 დაზარალებულის სიკვდილით დასრულდა.
საქართველო ევროპაში ერთ-ერთ მოწინავეა ავტოსაგზაო შემთხვევების რაოდენობით. ამ ვითარების გამოსასწორებლად სპეციალისტები მკაცრ რეგულაციებს ითხოვენ.
რამდენიმე გავრცელებული მიზეზია, რის გამოც საქართველოში ავარიები ხდება
• გადაჭარბებული სიჩქარე
• არასწორი მანევრი -ზოლიდან ზოლში გადასვლის დროს მოხვევის მაჩვენებლის არ ჩართვა , უწყვეტ ზოლის გადაკვეთა, გასწრება იქ, სადაც ამის გაკეთება არ შეიძლება.
• ავტომობილის ნასვამ მდგომარეობაში მართვა
• ქვეითების არასწორი ქცევა
• ტექნიკურად გაუმართავი ავტომობილები
• მოუწესრიგებელი საგზაო ინფრასტრუქტურა
შს ანგარიშში ვკითხულობთ, რომ გასულ წელს საგზაო შემთხვევებს 21 ბავშვის სიცოცხლე შეეწირა (0-დან 16 წლამდე).
საქართველოში არ არის სავალდებულო ბავშვების სპეციალური სავარძლით ტრანსპორტირება, რაც სპეციალისტების აზრით, ბავშვთა სიკვდილიანობას გზებზე ზრდის.
