სომხეთში „ყარაბაღის საკითხის მოგვარებაში საზოგადოებისა და გადაწყვეტილების მიმღებ პირთა ჩართვის“ პროექტი ამოქმედდა

ერევანში დღეს  საერთაშორისო სიმპოზიუმ „კავკასია-2016“-ზე ყარაბაღის კონფლიქტის დარეგულირების პროცესის შესახებ მსჯელობდნენ.

კავკასიის ინსტიტუტი,  გაერთიანებული სამეფოს მთავრობის სტაბილურობის და უსაფრთხოების ფონდის მხარდაჭერით, ახორციელებს „ყარაბაღის საკითხის მოგვარებაში საზოგადოებისა და გადაწყვეტილების მიმღებ პირთა ჩართვის“ პროექტს. მისი მიზანია ყარაბაღის კონფლიქტის მშვიდობიანად გადასაწყვეტად სომხეთისა და  ყარაბაღის  საზოგადოებასა და მთავრობებს შორის  დიალოგის გამართვა.

საერთაშორისო სიმპოზიუმი „კავკასია-2016“ ამ პროექტის ფარგლებში ჩატარებული პირველი ღონისძიებაა. სამეცნიერო კონფერენციის მიმდინარეობისას თავიანთი აზრი გამოთქვეს სომეხმა, ყარაბაღელმა, ქართველმა და რუსმა ექსპერტებმა.

სომხეთში დიდი ბრიტანეთის გაერთიანებული სამეფოს და ჩრდილოეთი ირლანდიის ელჩი, ჯუდიტ ფანვორტი იმედოვნებს, რომ მათი მხარდაჭერით ჩატარებული პროგრამა რეალურად გახდება ის სივრცე, სადაც შესაძლებელი გახდება კონფლიქტისთვის გასაღების მორგება. გასული წლის აპრილის მოვლენების გათვალისწინებით (აქტიური საბრძოლო მოქმედებები, რომელსაც „აპრილის ომის“ სახელი დაერქვა ), ელჩს ყარაბაღის კონფლიქტი რეგიონის ერთ-ერთ მთავარ პრობლემად მიაჩნია.

„მედიასა და პოლიტიკურ წრეებში ჩანს, რომ კონფლიქტის მოგვარების სურვილი მატულობს. ჩვენ რეგიონში მშვიდობის შენარჩუნების საქმეში ეუთოს მინსკის ჯგუფის საქმიანობას  მივესალმებით, ვიზიარებთ ორი ქვეყნის ხალხებს შორის ეგრეთ წოდებულ დილოგს Track II“, – განაცხადა ჯდუდიტ ფრანვორტმა.

მან ასევე აღნიშნა, რომ საერთაშორისო სიმპოზიუმ „კავკასია-2016-ის მიზანია ყარაბაღის კონფლიქტის მშვიდობიანად მოგვარების საკითხზე მსჯელობა, რისკების შეფასება, და იმის მიხვედრის მცდელობა, თუ როგორ შეიძლება ამ რისკების შესაძლო შედეგების თავიდან აცილება.

სტატიაში გამოთქმული მოსაზრებები, ტერმინები და პოზიცია მთლიანად ავტორს ეკუთვნის და, შესაძლოა, რედაქციის აზრსარემთხვეოდეს