არქივი- 27.06.2019 ნიკა მელიას გირაო შეეფარდა. მას არ დააპატიმრებენ გაზიარება გაზიარება თბილისის საქალაქო სასამართლომ გირაო შეუფარდა „ნაციონალური მოძრაობის“ ერთ–ერთ ლიდერს, დეპუტატ ნიკა მელიას. მელიას პროკურატურა ბრალად სდებს 20-21 ივნისს, პარლამენტის შენობასთან მიმდინარე აქციაზე ჯგუფური ძალადობის ორგანიზებასა და ხელმძღვანელობას. თუ დეპუტატს ბრალი დაუმტკიცდა, მას 6-დან 9 წლამდე პატიმრობა ემუქრება. პროკურატურა მელიასთვის აღკვეთის ღონისძიების სახით პატიმრობას ითხოვდა, თუმცა სასამართლომ ეს მოთხოვნა არ დააკმაყოფილა. სასამართლოს გადაწყვეტილებით, ნიკა მელიას ოცი დღის ვადაში გირაოს სახით 30 ათასი ლარის გადახდა მოუწევს. უკვე ორი დღეა ამ დეპუტატის გარშემო მოვლენები დრამატულად ვითარდება. მის წინააღმდეგ სისხლის სამართლის საქმის აღძვრის შემდეგ პროკურატურამ პარლამენტს მიმართა მელიასთავის სადეპუტატო იმუნიტეტის მოხსნის მოთხოვნით. მხოლოდ პარლამენტის თანხმობით შეეძლო პროკურატურას სასამართლოსთვის მიემართა მელიას დაპატიმრების მოთხოვნით. მელიას საკითხზე კენჭისყრა გუშინ, 26 ივნისს შედგა. კენჭისყრას არც ერთი ოპოზიციონერი დეპუტატი არ დასწრებია. საპარლამენტო უმრავლესობამ 91 ხმით არც ერთის წინააღმდეგ პროკურატურის მოთხოვნა დააკმაყოფილა. მელიას დაკავების მოთხოვნით პროკურატურამ სასამართლოს სწორედ დღეს მიმართა, თუმცა მოსამართლე თემურ გოგოხიამ პატიმრობის ნაცვლად მელიას გირაო შეუფარდა. ოპოზიცია მიიჩნევს, რომ აღნიშნული გადაწყვეტილება ხელისუფლებამ საზოგადოებრივი აღშფოთებისა და წნეხის შემდეგ მიიღო. ფოტო: Patrik Salat, JAMnews
დასანქცირებული Wildberries-ი საქართველოში საქმიანობას აფართოებს - მიწები, საწყობები და ტაქსის სერვისი
„ეკონომიკური განვითარება სუვერენიტეტის ხარჯზე არ უნდა ხდებოდეს“ - მოსაზრება აფხაზეთში სამთო კურორტის მშენებლობაზე
Deutsche Bank-ის დოკუმენტები: ტრამპის ბაქოს კომპანიების ანგარიშებზე ჩარიცხული თანხები „აზერბაიჯანულ ლანდრომატს“ უკავშირდება
"ტორტი საქართველოს გარეშე ნაწილდება" - როგორ შეიძლება ქვეყანა ახალ სატრანზიტო რუკაზე თამაშგარე მდგომარეობაში აღმოჩნდეს. მოსაზრება
პენიტენციურის ყოფილ ხელმძღვანელებს ბრალი წარუდგინეს. ვინ არიან ძმები ფეიქრიშვილები და რა დგას ციხეში ძალადობის უკან
დასანქცირებული Wildberries-ი საქართველოში საქმიანობას აფართოებს - მიწები, საწყობები და ტაქსის სერვისი
„ეკონომიკური განვითარება სუვერენიტეტის ხარჯზე არ უნდა ხდებოდეს“ - მოსაზრება აფხაზეთში სამთო კურორტის მშენებლობაზე
"ტორტი საქართველოს გარეშე ნაწილდება" - როგორ შეიძლება ქვეყანა ახალ სატრანზიტო რუკაზე თამაშგარე მდგომარეობაში აღმოჩნდეს. მოსაზრება
ჰიჯაბის გამო დაწყებული უთანხმოების შემდეგ ერდოღანი ბაქოში ჩადის. რა დათმობებზე წავიდა ანკარა და რას ითხოვს ბაქო?
სომხეთთან „ომი არ არის“, თუმცა აზერბაიჯანი სახელმწიფო ბიუჯეტის 20,8%-ს თავდაცვაზე გამოყოფს. რაში დაიხარჯება ეს თანხა?
მოსაზრება: რატომ ეწინააღმდეგება აფხაზეთისა და რუსეთის ძალოვანებს შორის შეთანხმება აფხაზეთის კანონმდებლობას