იძულებით გადასახლებული 300 ოჯახი აზერბაიჯანში ახალ ბინას მიიღებს
ყარაბაღიდან იძულებით გადასახლებული 300 ოჯახი ახალ ბინებში შესახლებას იწყებს. მანამდე, სომხეთსა და აზერბაიჯანს შორის 1990-იანი წლებში მიმდინარე ყარაბაღის კონფლიქტის დროს ადამიანები უმძიმეს პირობებში ქალაქ სუმგაითისა და აფშერონის ნახევარკუნძულზე საერთო საცხოვრებლებსა და სხვა მსგავს დაწესებულებებში ცხოვრობდნენ. ეს საცხოვრებელი კომპლექსი 1000 ოჯახზეა გათვლილი გარადაგის რაიონშია.
• აზერბაიჯანელი ჯარისკაცების ოჯახებმა ფულადი კომპენსაცია „ბრძოლით მოიპოვეს“
ყარაბაღის კონფლიქტმა ორივე მხრიდან ასობით ათასი ადამიანი დევნილად აქცია. აზერბაიჯანის ხელისუფლება სომხეთიდან, მთიანი ყარაბაღიდან და მიმდებარე რაიონებიდან დევნილების რაოდენობად ოფიციალურად „ერთ მილიონზე მეტ“ ადამიანს ასახელებს. თუმცა, დამოუკიდებელი წყაროები, საბჭოთა დროის მოსახლეობის აღწერისა და გაეროს დევნილთა კომისარიატის UNHCR-ის მონაცემებზე დაყრდნობით, ამ ციფრს რამდენადმე გადაჭარბებულად მიიჩნევენ. კერძოდ, ბრიტანელი ჟურნალისტი თომას დე ვაალი თავის წიგნში „შავი ბაღი“ შემდეგ რიცხვს ასახელებს – „დაახლოებით 750 ათასი“ (იმ მომენტისთვის ქვეყნის მოსახლეობის 10%-ზე მეტი).
დევნილები და იძულებით გადასახლებული პირები სხვადასხვაგან არიან დასახლებულები – საერთო საცხოვრებლებით დაწყებული კარვის ქალაქებისა და ცარიელი ვაგონების ჩათვლით. ზოგიერთი აქამდე ასე ცხოვრობს. სახელმწიფო მათთვის საგანგებო დასახლებებს თანდათან აშენებს და მათ საცხოვრებელს აძლევს. მაგალითად, გასულ წელს ბინები და კერძო სახლები 5900-მა ოჯახმა მიიღო.
ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
