აზერბაიჯანში იმ საინფორმაციო ვებგვერდებმა, რომლებმაც პრეზიდენტის სიტყვები დაამახინჯეს, მუშაობა შეწყვიტა

ერთ-ერთმა მსხვილმა პროსამთავრობო საინფორმაციო სააგენტო АРА-მ და მისმა სამმა შვილობილმა რესურსმა Lent.az-მა, Vesti.az-მა и Kulis.az-მა მუშაობა მას შემდეგ შეწყვიტა, რაც თავიანთ რეპორტაჟში სომხეთ-აზერბაიჯანის ურთიერთობასთან დაკავშირებით პრეზიდენტ ილჰამ ალიევის ნათქვამი სიტყვები დაამახინჯეს.

ოფიციალურ ღონისძიებაზე გამოსვლისას თავის სიტყვაში პრეზიდენტმა თქვა: „თუკი სომხეთის ხელმძღვანელობა კვლავაც გააგრძელებს მოლაპარაკებების პროცესის გაწელვას, ჩვენ იზოლაციის პოლიტიკას გავაგრძელებთ, და ყველა საშუალების გამოყენებით კიდევ მეტად შევარყევთ სომხეთს“.

АРА-მ კი საკუთარ რეპორტაჟში ფრაზის – „სომხეთს შევარყევთ“- ნაცვლად, გამოიყენა სიტყვები „ჩვენ სომხეთს დავაჩოქებთ“. ამას პრეზიდენტის ადმინისტრაციიდან ამ სიტყვების უარყოფა მოჰყვა, რის შემდეგაც ეს ტექსტი გაქრა როგორც АРА -დან, ისე იმ სხვა ვებ-გვერდებიდან, რომლებმაც ის გადაბეჭდეს. ხოლო ორ საათში ეს ვებგვერდები უკვე ხელმისაწვდომი აღარ იყო. აზერბაიჯანში „დაჯარიმებული“ ვებგვერდების პრაქტიკის გათვალისწინებით, ბევრმა დაასკვნა, რომ АРА მთავრობამ „დასაჯა“.

სააგენტო АРА 2004 წლიდან არსებობს, და ამ დროის განმავლობაში რეპუტაციის მოხვეჭაც მოასწრო, პირველ რიგში – როგორც ხელისუფლებისადმი ლოიალურმა და მასთან დაახლოებულმა რესურსმა, და ასევე როგორც „ოფიციალური“ ინფორმაციის სანდო წყარომ. АРА უშუალოდ სახელმწიფო სტრუქტურებთან თანამშრომლობდა, და მათ ოფიციალურ განცხადებებსა და პოზიციებს ახმოვანებდა.

მასობრივ საინფორმაციო საშუალებებში ამ თემას თითქმის არ ეხებიან, მაგრამ სოციალურ ქსელებში ჟურნალსიტები და საზოგადოება ამ საკითხს განიხილავენ და ვარაუდებს გამოთქვამენ. ბევრი ჟურნალისტი იცავს АРА-ს თავინთ კოლეგებს, და მიაჩნიათ, რომ ასეთი სერიოზული რესურსი ერთი შეცდომის გამო არ უნდა დაიხუროს.

მაგალითად, ჟურნალისტი რაშად ერგიუნი Facebook-ში თავის გვერდზე წერს:

„სააგენტო АРА-სა და ყველა მასთან დაკავშირებული ვებგვერდის ერთ საათში დახურვა – უბრალოდ საშინელებაა. სასამართლოსა და გამოძიების გარეშე. მაგრამ ასე არ უნდა ხდებოდეს. ასეთი დამოკიდებულებები არ უნდა იყოს. ასეთი ქვეყანა არ უნდა არსებობდეს. ეს საშიშია. არც პროფესიუულ საქმიანობაში არსებობს რაიმე გარანტია, და არც ცხოვრებაში“.

აზერბაიჯანში ბოლო რამდენიმე წლის განმავლობაში დაიბლოკა ხელისუფლების მიერ არაკონტროლირებადი ვებგვერდები, რომლებიც ევროპიდან მაუწყებლობდნენ: Meydan TV и Radio Liberty. მედია-ჰოლდინგი ANS ტელერადიომაუწყებლობის ეროვნული საბჭოს გადაწყვეტილებით მას შემდეგ დაიკეტა, რაც თურქეთში სახელმწიფო გადატრიალების მოწყობის მცდელობაში ბრალდებულ ფეთულაჰ გიულენთან ინტერვიუ დააანონსა. ასევე კავშირგაბმულობის სამინისტრომ დაბლოკა რამდენიმე ადგილობრივი ვებ-გვერდი – ისინი ეროვნული შუღლის გაღვივებასა და ტერორიზმის მხარდაჭერაში დაადანაშაულეს.