აზერბაიჯანმა კორონავირუსის გამო ირანთან საზღვარი ჩაკეტა, ქვეყანაში უკვე სამი დაინფიცირებულია

29 თებერვალს აზერბაიჯანმა ირანთან საზღვარი ორი კვირით ჩაკეტა, რათა კორონავირუსის გავრცელება აღიკვეთოს. მოცემულ მომენტში აზერბაიჯანში დაინფიცირების სამი შემთხვევაა დაფიქსირებული. ერთ-ერთი დაინფიცირებული რუსეთის მოქალაქეა, ორი – აზერბაიჯანის. სამივე ირანიდან ჩამოვიდა.

ამის შესახებ მინისტრთა კაბინეტზე დაყრდნობით Report იუწყება.

ამავდროულად დარჩება კორიდორი, რათა ირანის მოქალაქეებმა აზერბაიჯანიდან გასვლა, აზერბაიჯანის მოქალაქეებმა კი ქვეყანაში შემოსვლა შეძლონ.

იგივე ეხება საჰაერო მიმოსვლასაც – როგორც „აზერბაიჯანული ავიახაზების“ პრეს-სამსახურში იუწყებიან, თეირანი- ბაქოს რეისებზე მხოლოდ აზერბაიჯანის მოქალაქეები დაიშვებიან, ხოლო ბაქო-თეირანის რეისებზე – მხოლოდ ირანის მოქალაქეები.

სამშობლოში დაბრუნების მსურველ აზერბაიჯანის მოქალაქეებს შეუძლიათ თეირანში ან თებრიზში არსებულ საელჩოებს მიმართონ.

• კორონავირუსის მესამე შემთხვევა საქართველოში. დაინფიცირებული ირანიდან ჩამოვიდა 

• იტალია, ირანი და კორონავირუსის გავრცელების სხვა ცენტრები – ციფრები, ანალიზი, პროგნოზი