შავ ზღვაში გემი ჩაიძირა

შავ ზღვაში სატვირთო გემი «Герои Арсенала» ჩაიძირა. არსებული ინფორმაციით, ეკიპაჟის 12 წევრიდან ხუთის გადარჩენა მოხერხდა. დაღუპულთა შორის ერთი საქართველოს მოქალაქეა.

ყირიმის საგანგებო სიტუაციების სამინისტროს მთავარი სამმართველოს პრესსამსახურის ცნობით, მათ ადგილობრივი დროით 03:54 საათზე SOS-სიგნალი მიიღეს.

სააგენტო „რია ნოვოსტის“ ინფორმაციით, ეკიპაჟის ხუთი წევრის გადარჩენა მოხერხდა, ხოლო დანარჩენი შვიდი წევრი ამ დრომდე დაკარგულად მიიჩნევა. სატვირთო გემი პანამის დროშის ქვეშ ცურავდა.

არსებული ცნობით, ეკიპაჟის 12 წევრიდან ცხრა უკრაინის მოქალაქე იყო, ორი – რუსეთის, ერთი კი საქართველოს მოქალაქე.

სატვირთო გემი რუსეთის ქალაქ აზოვის პორტიდან თურქეთისკენ მიემართებოდა და მარცვლეულით იყო დატვირთული.