Onlar beş ildən səkkiz ilə qədər azadlıqdan məhrumetmə cəzasına məhkum ediliblər" />

Gəncə iğtişaşlarında iştirak edənlər haqda hökm çıxarılıb

Onlar beş ildən səkkiz ilə qədər azadlıqdan məhrumetmə cəzasına məhkum ediliblər

On dörd nəfər kütləvi iğtişaşların təşkili və polisə müqavimət ittihamı ilə beş ildən səkkiz ilə qədər azadlıqdan məhrum edilib, Turan xəbər verir. Söhbət Gəncədə baş verən və iki polis zabitinin qətli ilə yekunlaşan etiraz aksiyalarından gedir. Aksiya şəhərin icra hakimiyyəti başçısına sui-qəst etmiş şəxsin müdafiəsi məqsədilə təşkil olunub.

• Müxalif saytın redaktoru 5 il yarım şərti cəzaya məhkum edilib

• Üç ay sürən etiraz aksiyaları şəhid ailələrinin qələbəsi ilə yekunlaşıb 

Məhkəmə prosesi Bakıda, qapalı şəraitdə keçirilib.

Gəncədə nə baş verib?

2018-ci il iyulun 3-də Gəncə şəhərinin icra hakimiyyəti başçısı Elmar Vəliyevə qarşı sui-qəsd baş verib. Yerli sakin Yunis Səfərov Vəliyev və onun mühafizəçisinə odlu silahdan atəş açıb. Hər ikisi yaralansa da, sağ qalıb.

İyulun 10-daGəncə İcra Hakimiyyəti binasının qarşısında Yunis Səfərovun müdafiəsinə həsr olunmuş etiraz aksiyası baş tutub. Aksiyaya 200 nəfərə yaxın adam toplaşıb. Daxili İşlər Nazirliyindən bildirildiyinə görə, onlar “deşici və kəsici alətlərlə” silahlanıblar. Polis və aksiya iştiraçıları arasında toqquşma baş verib, iki polis zabiti həlak olub.

İyulun 13-də polislərin qətlində şübhəli bilinən şəxslərdən biri saxlanılma zamanı həlak olub. İkinci şübhəli isə ələ keçirilib. Həmçinin etiraz aksiyasının təşkili və aksiyada iştirakda ittiham olunan on nəfər də həbs edilib.

Versiyalar

Rəsmi versiya: Yunis Səfərov və onun müdafiəsinə həsr olunan aksiya iştirakçıları dini fanatiklərdir, Vəliyevə qarşı sui-qəsd isə hakimiyyəti ələ keçirmək məqsədilə həyata keçirilmiş terror aksiyasıdır.

“Xalqın versiyası”: Elmar Vəliyev şəhər sakinlərinə qarşı qəddar və ədalətsiz olub, onu öldürmək cəhdi də məmur özbaşınalığına qarşı üsyandır.

Qalanlarının aqibəti necə olub?

Elmar Vəliyev aldığı yaradan sağalıb, bir müddət sonra isə vəzifəsindən uzaqlaşdırılıb.

Yunis Səfərov həbsxanadadır, onun işi üzrə istintaq hələ də davam edir. Həbs olunduğu gündən doğmaları onu görməyib və sağ olduğu ilə bağlı şübhələrinin olduğunu bildirirlər.

Daha bir neçə aksiya iştirakçısı haqda hökm elan olunmayıb.


More on JAMnews