Amma Ermənistanda dislokasiya olunmuş 102-ci Rusiya Hərbi Bazası modernləşdiriləcək" />

Ermənistan ölkə ərazisində yeni xarici hərbi baza açmaq niyyətində deyil

Amma Ermənistanda dislokasiya olunmuş 102-ci Rusiya Hərbi Bazası modernləşdiriləcək

Ermənistan ölkə ərazisində yeni xarici, həmçinin Rusiyaya məxsus hərbi baza açmaq niyyətində deyil. Bu haqda Ermənistanın müdafiə naziri Vigen Sarqsyan Rusiya KİV-dən birinə bildirib.

“Hazırkı məqamda Ermənistan ərazisində xarici bazaların açılması müzakirə olunmur. Rusiya tərəfindən də belə bir bəyanat səslənməyib”, – Vigen Sarqsyan bildirib.

Bununla da o, Rusiya ekspert və siyasətçilərinin çevrəsində müzakirə olunan Rusiyanın ikinci hərbi bazasının məhz Ermənistanda yerləşdiriləcəyi haqda fikri təkzib edib. Belə bir ehtiyac bu cür izah olunub: bir hərbi baza iki ölkənin real tələblərinə cavab verə bilmir, üstəlik, iki hərbi baza Türkiyə və ABŞ-ın ehtimal olunan hərbi müdaxiləsinin qarşısını almağa imkan verəcək. Belə bir müdaxilə isə bu ölkələrin Rusiya ilə münasibətlərinin gərginləşməsindən sonra mümkündür.

Nazir Vigen Sarqsyan qeyd edib ki, Ermənistanın Gümri şəhərində mövcud olan və bütün postsovet məkanında Rusiyanın yeganə hərbi bazası olan 102 saylı Rusiya Hərbi Bazası modernləşdirilə bilər.

“Konkret mövzular, istiqamətlər mövcuddur ki, onlara əsasən müştərək iş nəticəsində yeni əməkdaşlıq formaları ortaya çıxa bilər. Rusiya çox sahədə Ermənistan Silahlı Qüvvələrinin gücləndirilməsinə dəstək verir. Hazırda bizim Rusiya ilə çox sayda proqramımız var, kursantlarımızın təlimindən tutmuş, əməliyyatların birgə planlaşdırılmasına qədər”, – o əlavə edib.


More on JAMnews