Wizzair loukosteri Kutaisidən Avropaya dörd yeni reys açır
Wizzair loukoster avia-şirkəti Kutaisi beynəlxalq aeroportundan dörd yeni reys açır. Avia-şirkət xəbər verir ki, yeni istiqamətlər Roma (Fumiçino aeroportu), Paris (Buve aeroportu), Barselona və Praqadır.
Bundan başqa avia-şirkət qeyd edir ki, Wizzair Kutaisidəki bazasının parkına daha bir A320 təyyarəsi əlavə edəcək.
Wizzair Macarıstan avia-şirkəti 2012-ci ildən Kutaisidən reyslər həyata keçirir. 2016-cı ildə avia-şirkət Kutaisidə baza açıb. Hazırda Wizzair Kutaisidən Macarıstan, Litva, Polşa, Almaniya, Yunanıstan, Kipr və Böyük Britaniyanın şəhərlərinə reyslər həyata keçirir. Bilet qiymətləri bir tərəfə 25 avrodan başlayır.
