Rusiya polislərinə niyə mənzil hədiyyə edilir?

“Novaya qazeta” jurnalistləri Stavropol polisi və yerli inşaat şirkəti arasındakı əlaqələrlə bağlı apardıqları araşdırma haqda Rusiya Daxili İşlər Nazirliyindən cavab alıblar. Bu cavabda bildirilir ki, qanun pozuntusu aşkarlanmayıb.

Bir müddət əvvəl “Novaya qazeta” jurnalistləri Stavropolda “YuqStroyİnvest” yerli inşaat şirkətinin polis əməkdaşlarına mənzillər hədiyyə etdiyini ortaya çıxarıblar. Bu haqda həmin şirkətin saytında açıq-aşkar yazılıb.

Bununla belə Rusiya qanunvericiliyi dövlət qulluqçularına, o cümlədən də polis əməkdaşlarına dəyəri 50 dollardan baha olan hədiyyəni qəbul etməyi qadağan edir. “YuqStroyİnvest” şirkətinin mənzillərinin qiyməti isə 16 min dollardan başlayır.

Bundan başqa, “YuqStroyİnvest” şirkətinin əməkdaşlarının Stavropolun problemləri haqda yazan moskvalı blogger İlya Varlamova hücumda əlləri var. Onun üzərinə zelyonka töküb, sonra da döyüblər. Onu döyənlər iki sutka həbs və 500 rubl həcmində cəriməyə məhkum ediliblər.

Stavropolda da “YuqStroyİnvest” şirkətinin qoruq ərazisində həyata keçirdiyi qeyri-qanuni inşaat işlərini araşdıran yerli fəalların hücuma məruz qalması halları qeydə alınıb. Onlardan birini rusunu itirənə qədər döyüblər, digərini travmatik silahla güllələyiblər. Günahkarlar tapılmayıb.

“Novaya qazeta” inşaat şirkəti və polislər arasındakı korrupsiya əlaqələrinə dair araşdırmanın nəticələrinə əsasən Rusiya Daxili İşlər Nazirliyinə müraciət edib və bu məzmunda cavab alıb: “Qanun pozuntusu aşkar edilməyib”.