Pravoslav fundamentalistini tanımağın 5 yolu
Gürcüstanda yaşayanlar elə düşünür ki, din ekstrimizm yalnız İslamda var, pravoslavlıq isə ən ədalətli dindir. Lakin məsələnin maraqlı tərəfi budur ki, səmimi şəkildə öz dinlərinin demokratikliyinə və müdrükliyinə inananlar özləri fundamentalistə dönürlər.
Müasir gürcü fundamentalistinin əsas xüsusiyyətləri aşağıdakılardır:
1.
O patriarxı çox sevir və onun şəkillərinə ibadət edir. Tez –tez onun şəkillərini sosial şəbəkələrdə paylaşır və insanlardan şərh hissəsinə ürək simvolu qoymaqlarını xahiş edir. Onun səhhəti ilə maraqlanır və patriarxın öləcəyindən ciddi şəkildə qorxur. Çünki, onun ölümü fundamentalistlər üçün apokalipsisə bərabərdi – əvvəla Gürcüstan daxilində, daha sonra bütün dünyada.
2.
O, başqa millətin nümayəndəsi ilə saatlarla mübahisə etməyə hazırdır. Yetər ki, qarşı tərəfə Gürcülərin onlardan daha tez xristian dinini qəbul etdiyini sübüt etsin. Bunu sübüt etmək onun üçün olduqca vacibdir, çünki o öz xalqının seçilmiş olduğuna və dininin daha səmimi, daha təmiz olduğuna ürəkdən inanır.
3.
Onda Gürcülərin seçilmiş xalq olması ilə bağlı sarsılmaz bir inanc var və düşünür ki Məryəm ananın özü onun xalqına himayədarlıq edir. Əlbəttə, ola bilsin ki, o başqa xalqlara da kömək edir, lakin hamıya məlumdur ki, onun ilk məskəni –udeli məhz Gürcüstan olmuşdur. Buna görə də Gürcüstanla müharibə etmək olmaz. Çünki, udel beynəlxalq hüquq, suverenlik və s. kimi adi bir şey deyil.
4.
O qərbdən gələn hər şeydən qorxur. İnanır ki, Avropada ancaq pedofillər və mavilər yaşayır və onlar öz “xəstəliyini Gürcüstanın nümünəvi əxlaqı ilə fərqlənən gəncliyinə yoluxdurmaq istəyirlər. Onlar üçün “avropa dəyərləri məhvumu söyüşə bərabər bir ifadədir. Corc Soros isə şeytandır. Və ya antixrist.
5.
O, cəmiyyətin əxlaqi dəyərlərini qorumağa çalışır və bunun əksinə gedənləri tənqid etməkdən çəkinmir. O gözəlliyə hörmət edir, bunlara
– ənənələr
– ənənəvi sosial rol bölgüsü
– patriarxal ailə qurulusşu – daxildir.
Məsələn, onların fikrincə bakirəlik çox qiymətli dəyərdir və ondan imtina etmək millətin ölüm kağızına imza atmağa bərabərdir. Hamiləliyin qarşısını almaq üçün istifadə edilən dərmanlar şeytan əməlidir. Ondan istifadə edilməsinə son qoyularsa doğum sayı keçmişdəki kimi çox olar.
Yuxarıda sadalananların hamısının ciddi və aqressiv şəkildə müdafiə edilməsinə baxmayaraq, heç bir məntiqli izahı yoxdur. Fundamentalist öz düşüncəsinin məntiqi izahını vermək yerinə onununla mübahisə edəni mavi, Soros deyilən şeytana satılmış, Gürcüstanı məhv etmək istəyən adlandıracaq.
