Gürcüstanın xüsusi xidmət orqanları: Pankisidə öldürülən 19 yaşlı oğlanın atası “terror aktı planlaşdırıb”

2019-cu il mayın 7-də yüksək vəzifəli məmura qarşı terror aktı hazırlamaqda ittiham olunan Malxaz Maçalikaşvili Gürcüstanda böyük faciədən sonra məşhurlaşıb.

2017-ci ilin dekabrında xüsusi təyinatlılar onun 19 yaşlı oğlunu Pankisi dərəsində Maçalikaşvili ailəsinin yaşadığı evdə, yataq otağınadaca güllələyib.

• Xüsusi təyinatlılar evə girib, 19 yaşlı gənci başından güllə ilə vurublar, baxmayaraq ki, o bu vaxt yatağında yatmış vəziyyətdə olub. Daha sonra o, həyatını itirib. Gürcüstanın Pankisi dərəsində nə baş verib?

Bu hadisə tanınmış terrorçu Ahmed Çatayevin tərəfdarlarını üzə çıxarmaq məqsədilə hazırlanmış xüsusi əməliyyat zamanı baş verib. Gürcüstanın Dövlət Təhlükəsizlik Xidmətindən bildirilib ki, 19 yaşlı Tamirlan Maçalikaşvili onların sırasında olub və əlindəki qumbaranı partlaqmaq istədiyi zaman ona atəş açılıb.

Amma Maçalikaşvilinin doğmaları bildirirlər ki, xüsusi təyinatlılar onun otağına soxulanda gənc çarpayısında yatırmış.

Bundan bir ay öncə terrorçu Ahmed Çatayevin analoji xüsusi əməliyyat zamanı Tbilisidə İsani yaşayış məntəqəsində atışma və yanğından sonra öldürüldüyü ehtimal olunur.

• Tbilisidə öldürüldüyü ehtimal olunan terrorçu Ahmed Çatayev kimdir?

Mərhumun ailəsi və Pankisi kəndlərinin əksər sakinləri hakimiyyəti gənc oğlanı səbəbsiz yerə qətlə yetirməkdə günahlandırır.

Atası Malxaz Maçalikaşvili o vaxtdan bəri bir neçə gəncin qətlinin obketiv araşdırılmasını tələb edən hərəkatın liderlərindən biri olub. “Öldürmə!” adını almış hərəkata bu gün minlərlə insan qoşulub.

• Oğulları öldürülən iki ata ədalətli araşdırmaya nail olana qədər parlamentin qarşısından getməyəcəklərinə and içib

Amma 2019-cu il mayın 7-də Malxaz Maçalikaşvilini terror atkı hazırlamaqda günahlandırıblar.

Gürcüstanın Dövlət İnformasiya Xidmətinin məlumatına əsasən, Malxaz Maçalikaşvili Təhlükəsizlik Xidməti rəisinin keçmiş birinci müavini İoseb Qoqaşvilini qətlə yetirməyi planlaşdırıb.

Qurumdan bildirildiyinə görə, “terror aktının Gürcüstanın Dedoplistskari rayonunun Zemo Maçxaani kəndində, Qoqaşvili və çevrəsi onun atasının məzarını ziyarətə gəlmişkən həyata keçirilməsi planlaşdırılıb”.

Dövlət Təhlükəsizlik Xidməti dəlil olaraq dinləmə zamanı qeyd olunan səs yazısını təqdim edib. Verilən məlumata əsasən, həmin səs materialında Malxaz Maçalikaşli öz qardaşı oğlu Moris Maçalikaşvili ilə kistin dilində danışır və xahiş edir ki, o, Qoqoşvili üzədində nəzarət təşkil etsin və onun atasının qəbrinin yerini dəqiq təsbit etsin.