Nə koronavirus, nə karantin, nə maska, nə sosial məsafə - “Bakı qəsəbəsindən” fotolar
Maştağa Bakıdan bir saatlıq məsafədə yerləşən qəsəbədir. Nə koronavirus, nə karantin, nə karantin qaydalarına nəzarət edən polislər buraya gəlib çıxmayıb.
![](https://jam-news.net/app/uploads/2020/04/mashtaga-woman-mask-hijab-1024x525.jpg)
Bakıda mənzillərinə qapanan şəhər sakinlərinin darıxmaqdan bağırları yarıldığı halda, burada həyat öz axarı ilə davam edir – alver edənlər, balaca darısqal mağazalarda qonşularla söhbət və sairə. Bircə şey dəyişib – maştağalılar “şəhərdən” ayrı düşüb, Bakının bir neçə mərkəzi rayonunu adətən “şəhər” adlandırırlar.
![](https://jam-news.net/app/uploads/2020/04/mashtaga-azerbaijan-coronavirus-quarantine-stores-mosque-1024x518.jpg)
![](https://jam-news.net/app/uploads/2020/04/mashtaga-azerbaijan-coronavirus-quarantine-man-stores-groseries-1024x585.jpg)
![](https://jam-news.net/app/uploads/2020/04/mashtaga-azerbaijan-coronavirus-quarantine-a-woman-wearing-mask-with-a-bag-motorsycle-1024x603.jpg)
![](https://jam-news.net/app/uploads/2020/04/bus-1024x683.jpg)
Məsələn, bax, bu avtobusu Maştağanın çıxışında polislər yoxlayacaq – sərnişinlərdən evdən çıxmaq üçün lazım olan sms-icazəni göstərmələrini istəyəcəklər. Amma bu çıxışa qədər uzun yol var, odur ki, kifayət qədər məsafədə “sms-siz gəzmək” mümkündür.
![](https://jam-news.net/app/uploads/2020/04/mashtaga-azerbaijan-coronavirus-quarantine-boy-wearing-mask-1024x592.jpg)
![](https://jam-news.net/app/uploads/2020/04/mashtaga-azerbaijan-coronavirus-quarantine-eggs-products-seller-2-1024x836.jpg)
Etika və təhlükəsizlik baxımından adını çəkmədiyimiz müxtəlif təbii məhsullar satan satıcı kölgədəki divanda mallarının yanında oturub. Bəzən eyni divanda özünəməxsus “klub” toplaşır – qonşular söhbətə gəlirlər. Təbii ki, maskasız və sosial məsafəni gözləmədən.
![](https://jam-news.net/app/uploads/2020/04/sofa-1024x789.jpg)
Qonşular və qohumlar arasındakı bu cür arxayın davranışlarına rəğmən maştağalılar müxtəlif qəsəbələrin bir-biri arasındakı təcrid məsələsinə çox həssas yanaşırlar.
Onlardan biri belə deyir: “Mən Nardarandakı qohumlarımın yanına getmirəm, qorxuram. Allah eləməmiş, bəlkə onların qəsəbəsində kimsə xəstələndi, hətta məndən yoluxmasa da, sonra yenə də məni günahlandıracaqlar”.
![](https://jam-news.net/app/uploads/2020/04/mashtaga-azerbaijan-coronavirus-quarantine-cat-baku-1-1024x683.jpg)
Taxta yeşiklər adətən malları düzmək üçün piştaxta kimi istifadə olunur.
![](https://jam-news.net/app/uploads/2020/04/seller-mashtaga-1024x722.jpg)
Satıcılardan biri deyir ki, regionlardan tərəvəz gətirənlər azalıb, satmaq üçün mal tapmaq çətindir. Alanlar da az alır – qəsəbədə çoxları işsiz qalıb.