Fazil İsgəndər dünyasını dəyişdi

Abxaz yazıçısı Fazil İsgəndər dünyasını dəyişdi. Uzunsürən xəstəlikdən sonra o, özünün Moskva yaxınlığındakı Peredelkino qəsəbəsində yerləşən bağ evində vəfat etdi. Onun 87 yaşı vardı.

Fazil İsgəndər bir neçə nəzm və nəsr əsəri yazıb, bir çox əsərləri, misal üçün, “Kozlotur kəhkəşanı, “Dovşanlar və ilanlar, “Heraklın on üçüncü qoçaqlığı, “Çeqemdən olan Sandro romanı satira janrında yazılıb. Yazıçı Abxaziyanın ali “Birinci dərəcəli şərəf və şöhrət ordeni ilə təltif olunub. 

2008-ci il müharibəsindən sonra Fazil İsgəndər Rusiyanın Abxaziyanın müstəqilliyini tanımaqla bağlı qərarını dəstəklədi. Eyni zamanda o, münaqişənin gərginləşməsinə yol verməmək və “Abxaziya sakinlərinin təfəkkürünü hər bir millətin gördüyü olmalı dinc işə yönəltmək çağırışı ilə çıxış etdi.

İndi dahi insanın harada dəfn olunacağı ilə bağlı qərar veriləcək. Abxaziya hakimiyyəti Fazil İsgəndərin doğmalarına onun doğulub böyüdüyü Suxumun mərkəzində dəfn etməyi təklif etdilər.

Abxaz rejissoru İbrahim Çkadua Fazil İsgəndər haqqında iki sənədli film çəkib. Filmlərdən biri 2004-cü ildə, ikincisi isə 2014-cü ildə çəkilib. İndi, İsgəndər dünyasını dəyişəndən sonra hər iki film raritetə çevrilir. 

Dərc edilib: 1.08.2016