Ermənistanın ilk peyki kosmosa buraxılıb: buraxılış günü ictimailəşdirilməyib
Ermənistanın kosmosda ilk peyki
Mayın 26-da Ermənistanın baş naziri Nikol Paşinyan hökumətin iclasında bir gün əvvəl Ermənistanın ilk kosmik peykinin kosmosa buraxıldığını bəyan edib:
“2022-ci il mayın 25-də Yerevan vaxtı ilə saat 22:35-də ABŞ-ın Kanaveral burnunda yerləşən kosmik stansiyadan Ermənistan Respublikasının ilk kosmik peyki orbitə buraxılıb”.
Peyk orbitə buraxılan zaman yüksək texnologiyalar sənayesi naziri Robert Xaçatryan və Ermənistanın ABŞ-dakı səfiri Lilit Makunts stansiyada olublar.
- “Qarda hər şey eyni olur”. Müharibə iştirakçılarının hekayələri
- Ermənistanda pensiyaçılar kartla ödəniş etsələr, keşbek alacaqlar
- “Qalibsiz oyunlar”: Ermənistanda qumar və oyun “qurbanları”
Baş nazirin sözlərinə görə, “peykin buraxılması ilə bağlı bütün qərarlar müəyyən mülahizələrə əsaslanaraq gizli qəbul edilib”. Buraxılış Ermənistanın “Geocosmos” dövlət qurumu ilə İspaniyanın “Satlantis” şirkəti arasında əməkdaşlıq nəticəsində mümkün olub.
Paşinyanın fikrincə, Ermənistan “kosmik fəaliyyət dövrünə” qədəm qoyur:
“Ümid edirik ki, bu sahədə zəngin ənənələrimiz bərpa olunacaq. Mən Ermənistanda uzun illər mövcud olan kosmik tədqiqat və istehsal sektorunu nəzərdə tuturam”.
Onun sözlərinə görə, Ermənistanda kosmik texnologiyaların lokallaşdırılması, eləcə də kosmik cihazların istehsalının təşkili onun kabinetinin prioritet vəzifələrindəndir.
Peyk idarəetmə mərkəzi və qəbuledici stansiya 2023-cü ilin sonuna kimi yaradılacaq. Qəbuledici stansiyanın digər peyk operatorlarına məlumatların qəbulu və ötürülməsi üzrə xidmətlər göstərməsi planlaşdırılır.
“Peyk fotoşəkilləri Ermənistanda sərhəd nəzarəti, fövqəladə halların qarşısının alınması, idarəetmə, ətraf mühitin mühafizəsi, o cümlədən iqlim dəyişikliyinin monitorinqi, eləcə də şəhərsalma, yol tikintisi, geologiya və digər sahələrdə istifadə olunacaq”, – deyə baş nazir bildirib.
Fotolar Ermənistan hökumətinin Facebook səhifəsindən götürülüb
Ermənistanın kosmosda ilk peyki
