Ermənistanda “Bavra” nəzarət məntəqəsinin rəisi və gömrük-broker şirkətinin direktoru həbs olunub

Ermənistanda Ermənistan-Gürcüstan arasındakı “Bavra” gömrük məntəqəsininrəisi və gömrük-broker şirkətinin direktoru həbs olunub.

Mütəşəkkil Cinayətkarlıqla Mübarizə Baş Polis İdarəsinin həyata keçirdiyi tədbirlər sayəsində bir sıra şirkətin rəhbər və əməkdaşlarının, həmçinin fiziki şəxslərin Dövlət Gəlirləri Komitəsinin Gömrük Xidməti nümayəndələri ilə əlbir olduqları haqda məlumat əldə edilib.

Onlar şəxsən və ya vasitəçilərin yardımı ilə gömrük xidmətinin əməkdaşlarına rüşvət verərək, qanunda nəzərdə tutulduğundan daha az məbləğdə rüsum, eksport və import üçün ödənişləri daha kiçik tariflə ödəmək imkanı əldə ediblər.

Cinayət kommersiya təşkilatının – gömrük məntəqəsi ərazisində gömrük-broker xidməti göstərən Məhdud Məsuliyyətli Cəmiyyətin vasitəçiliyi ilə törədilib.

Rüşvət vermək, almaq və almağa vasitəçilik etmək faktı ilə başlı cinayət işi qaldırılıb.