Ermənistan və Azərbaycanın xarici işlər nazirlərinin görüşü iyulda baş tuta bilər

İstisna deyil ki, yaxın zamanda Ermənistan və Azərbaycanın xarici işlər nazirlərinin görüşü baş tutsun. Bu gün Ermənistanın xarici işlər naziri Edvard Nalbandyan jurnalistlərə deyib ki, bu görüş iyulda keçirilə bilər.

Nazir Qarabağ münaqişəsinin nizamlanması haqda da fikrini səsləndirib. Bu zaman o, Qarabağ tərəfinin danışıqlarda iştirakının vacibliyini vurğulayıb.

“Nə vaxtsa bütün bu sənədlər dərc olunacaq və siz görəcəksiz ki, onların hər birində Dağlıq Qarabağ nümayəndələrinin sülh sazişinin hazırlanmasında və danışıqlarda iştirak etməli olduğu yazılıb. Yeri gəlmişkən bu, üç həmsədr ölkənin razılığı ilə qərara alınıb. Artsax tərəfi olmadan hansısa razılığa gəlmək, hər hansı qərar qəbul etmək mümkün deyil”, – Ermənistanın xarici işlər naziri bildirib.

Materialdakı termin, fikir və ideyalar JAMnews-un və onun ayrı-ayrı əməkdaşlarının fikir və ideyaları ilə üst-üstə düşməsi mütləq deyil. JAMnews məqalələrə yazılmış təhqir, təhdid, zorakılığa çağırış məzmunlu və ya başqa səbəbdən yolverilməz olan şərhləri silmək hüququnu özündə saxlayır.