Bakını su basıb
Yağış yağır – Bakı üçün bu həmişə təzə, aktual və hamını narahat edən bir xəbərdir. İldən ilə şəhər eyni problemlə üzləşir – suyun səki və yollardan axıb getməyə yolu yoxdur. Kanalizasiya barmaqlıqları çatmır. İstənilən yeni təmir olunmuş yerlərdə onlar xüsusiylə azdır.
Bu dəfə, sentyabrın 28-də yağış dalbadal altı saat yağıb. Və şəhər piyadalar üçün yarasız vəziyyətə düşüb. Amma sürücülər daha ağır vəziyyətə düşdülər. Misal üçün, Ziya Bünyadov prospektində o qədər su yığılmışdı ki, maşınlar hərəkət edə bilmirdi və onları bir-bir evakuasiya etməli oldular. Evakuasiya ilə FHN məşğul olurdu.
Neftçilər metro stansiyası yaxınlığında kiçik bir sürüşmə baş verib və yol boyu divar sökülüb. Yaşlı sakinlər deyir ki, divar bu yaxınlarda tikilib, ondan əvvəlki divar isə 70 il yerində durub.
Foto: Denis Borodin
Sosial şəbəkə istifadəçiləri adəti üzrə istehza dolu şərhlər yazırdı. Ən çox da yenə də adəti üzrə Bakı şəhəri İcra Hakimiyyətinin başçısı Hacıbala Abutalıbovun adı hallanırdı. O isə mətbuata açıqlama verməkdən imtina edib.
“Yağış kanalizasiyasının olmaması onu göstərir ki, 25 ildir sivilizasiyadan barbarlığa doğru gedirik.
“Taksistlərin zarafatı: “Əhmədliyə neçəyə üzürsən?.
“Papa, evə gələndə yoldan iki dənə balıq tut.
Maraqlıdır ki, dövlət qurumları ildən ilə bu problemi iqnor edir, iqtidar yönlü KİV isə hər il təkrarlanan seldən FHN-ni tərifləmək üçün istifadə edir.
Gündüz Ağayevin karikaturası
Dərc olunub 29.09.2016
