“Formula 1” yarışları ərəfəsində Bakıda hərəkət yenidən iflic olub
Bakıda “Formula 1”
13-15 sentyabırda Bakıda “Formula-1” avtomobil yarışlarının növbəti mərhələsi keçiriləcək. “Azərbaycan Qran-Prisi” başlamazdan üç həftə əvvəl ölkə paytaxtında hərəkət demək olar tamam iflic olub. Şəhərin mərkəzi tamamilə hasarlanıb, avtomobillərin hərəkəti məhdudlaşdırılıb, ictimai nəqliyyatın marşrutları dəyişdirilib. Yarışların keçiriləcəyi bütün mərkəzi küçələr bağlanıb, qalan küçələr isə avtomobil axınının öhdəsindən gələ bilmir.
Paytaxt sakinlərinin əksəriyyəti yaranmış narahatlıqdan şikayətlənir.
“Azərbaycan Qran-Prisi” “Formula-1” yarışlarının iki mərhələsindən biridir ki, bilavasitə şəhər küçələrində – adi avtomobil yollarında keçirilir. Digər bu cür mərhələ hər il əhalisinin sayı 3 min nəfərə çatmayan Monte-Karloda təşkil edilir. Çempionatın qalan bütün yarışları digər ölkələrdə yaşayış məntəqələrindən kənarda inşa edilmiş xüsusi yollarda keçirilir.
“Kral yarışlarının” Bakı mərhələsi artıq yeddinci dəfə baş tutacaq. “Azərbaycan Qran-Prisi” 2017-ci ildən keçirilir. Yalnız 2020-ci ildə koronavirus pandemiyasına görə təxirə salınıb.
“Azərbaycan Qran-Prisi”nin keçirilməsi ilə bağlı müqavilənin müddəti 2023-cü ildə bitib. Ancaq Azərbaycan hakimiyyəti müqavilənin uzadılması ilə bağlı razılığa gələ bilib və yarışlar 2026-cı ilə qədər davam edəcək.
