Bakıda dini hərəkatın iki üzvü yoxa çıxıb
Tale Bağırzadə və tərədarları
Bakıda Müsəlman Birliyi Hərəkatının iki üzvü yoxa çıxıb. Ailə üzvləri onların harda olması ilə bağlı informasiya əldə edə bilmirlər. Daxili İşlər Nazirliyindən bildirilib ki, bu vətəndaşların saxlanılması haqda məlumat yoxdur. Bu arada Apellyasiya Məhkəməsi bu təşkilatın baqa bir üzvünün şikayətini təmin etməyib.
- “Laçın dəhlizinin bağlanması tələbi populizmdir”. Bakıdan şərh
- Naxçıvanda nə baş verir? Bakıda muxtariyyətin ləğvi ehtimalı haqda danışırlar
- “Zəngəzur dəhlizilə bağlı Azərbaycan Rusiya ilə danışıqlar aparır”. Bakıdan şərh
Dini hərəkatın iki üzvü yoxa çıxıb
Dekabrın 1-də Bakıda Müsəlman Birliyi Hərəkatının (MBH) üzvü Nicat Əliyev yoxa çıxıb. Təşkilatdan gələn məlumata görə, Əliyev mülki geyimli şəxslər tərəfindən saxlanılıb və naməlum istiqamətdə aparılıb.
Gündüz saatlarında o evdən çıxıb və geri qayıtmayıb – Nicat Əliyevin yaxınları belə deyiblər. Nicatın taksi sürücüsü olduğu məlumdur. Təxminən günorta saat 1-də o, işə çıxıb, amma bir müddət sonra zənglərə cavab verməyib.
Nicatın anası Yenigül Əliyeva “Turan” agentliyinə bildirib ki, artıq polisə müraciət ediblər. “Yerli polisdən bildirdilər ki, onu axtarırlar”, – deyə qadın əlavə edib.
Dekabrın 2-də səhər saat 11-də isə naməlum şəxslər Bakıda MBH-ın başqa bir üzvü Samir Babayevi saxlayıblar. Onun da taleyi haqda heç nə məlum deyil.
DİN mətbuat xidmətindən bildirilib ki, Əliyev və Babayevin saxlanılması haqda onlarda məlumat yoxdur.
Şikayət təmin edilməyib
Bu gün Bakı Apellyasiya Məhkəməsi Müsəlman Birliyi Hərəkatının üzvü Şahin Qədirlinin həsilə bağlı verilmiş şikayəti rədd edib. O, qanunsuz narkotik dövriyyəsində ittiham olunur.
Vəkil Zibeydə Sadıqovanın sözlərinə görə, istintaq təqsirləndirilən şəxsin üzərində yeddi qram mütamfetamin aşkarlandığınl bildirir. Qədirli ittihamı qəti şəkildə rədd edir.
Vəkil də ittihamın əsassız olduğunu qeyd edib. Onun sözlərinə görə, cinayət işində Qədirlinin narkotiki “satış üçün” əldə etdiyi göstərilir, amma onun narkotik satışı ilə məşğul olduğuna dair heç bir sübut yoxdur.
Sadıqova əlavə edib ki, saxlanıldıqdan sonra Qədirliyə doğmaları ilə əlaqə saxlamağa və öz vəkilini dəvət etməyə imkan verilməyib. Səkkiz gün ailəsi onun harada saxlanıldığı haqda məlumatsız olub.
Müdafiə tərəfi həbs qətimkan tədbirinin ev həbsilə əvəzlənməsi haqda vəsatət qaldırmaq niyyətindədir.
Hərəkat sədri həbsdə aclıq elan edib
Bu arada MBH-ın həbsdə olan sədri Taleh Bağırzadə səhhətilə bağlı problemlərdən şikayətlənir.
Vəkil Bəhruz Bayramovun sözlərinə görə, o digər vəkil Fəxrəddin Mehdiyevlə birlikdə 12 saylı penitensiar müəssisədə Bağırzadəyə baş çəkib.
Vəkil bildirib ki, Bağırzadə ötən şənbə günündən aclıq elan edib və sadəcə su içir: “Vaxtaşırı onun temperaturu qalxır. Onu digər məhbuslardan təcrid etməyiblər və tibbi müşahidə altına almayıblar”.
Bağırzadə hüquqlarının pozulmasına və qeyri-insani davranışa son qoyulmasını tələb edir. Eyni zamanda o, fiziki təzyiqdən şikayətlənməyib. O, İranla bağlı ona və tərəfdarlarına qarşı irəli sürülən ittihamları rədd edir.
2015-ci ildə Taleh Bağırzadə Nardaranda xüsusi əməliyyat nəticəsində həbs edilib, terror, konstitusiya quruluşunu devirməyə cəhd, qanunsuz silahlı qrup yaradılması və sairə ittihamlarla 20 il müddətinə azadlıqdan məhrum edilib. O, siyasi məhbus kimi tanınıb.
“O, bildirdi ki, həmişə Azərbaycanın müstəqilliyini dəstəkləyib. İkinci Qarabağ müharibəsi zamanı Bağırzadə və onun hərəkatı İranı işğalçı Ermənistanın yox, müsəlman Azərbaycanın tərəfində durmağa çağırıblar”.
Müsəlman Birliyi Hərəkatı İranın Zəngəzur dəhlizini bloklamaq yönündəki mövqeynə qarşı da çıxıb.
Bağırzadənin həyat yoldaşı Leyla İsmayılzadı jurnalistlərə bildirib ki, noyabrın 29-da Beynəlxalq Qırmızı Xaç Komitəsinin Bakı nümayəndəliyindən ona zəng vurublar:
“Tale aclığa başlayanda mən Qırmızı Xaça müraciət etdim ki, onun vəziyyətilə maraqlansınlar. Dünən axşam təxminən saat beşdə mənə dedilər ki, 12 saylı penitensiar müəssisədən Qırmızı Xaça Talenin ayrıca məkana təcrid olunduğunu və tibbi müayinələrin keçirildiyini bildiriblər”.
Bizə abunə olun — Twitter | Facebook | Telegram | Instagram | Youtube
