ABŞ konqresmenlərinin Azərbaycana səfərlərini kim maliyyələşdirib? FBI-ın təhqiqatı və Bakıdan şərh

ABŞ Federal Təhqiqatlar Bürosu (FBI) konqresmen, Amerika parlamentinin Aşağı Palatasında Azərbaycan fraksiyasınınkeçmiş həmsədri Henri Kuelyarın evində axtarış aparıb. İstintaq versiyasına görə təhqiqat səfərlərin Azərbaycanın dövlət şirkəti tərəfindən maliyyələşdirilməsi ilə bağlıdır. Azrəbaycanlı siyasətçinin fikrincə, qalmaqalın səbəbi Azərbaycan hakimiyyətinin dünya reallıqlarını anlamamasıdır.

• Qarabağa səfər Fransa və Azərbaycan arasında diplomatik qalmaqala səbəb olub
• Azərbaycanda müxalif hərəkat hakimiyyətdən “Pandora Dosyesi”nə görə hesabat tələb edib
• Malta-Azərbaycan – yenə də araşdırılması zamanı maltalı jurnalistin öldürüldüyü qaz müqaviləsi haqda

Konqresmenin evində axtarış

Bu günlərdə ABŞ Federal Təhqiqatlar Bürosunun (FBI) agentləri Rexas ştatından olan demokrat konqresmen Henri Kuelyarın evində axtarış aparıblar. Bu haqda “ABC News” məlumat verib.

Mənbənin bildirdiyinə görə, reyd Azərbaycana və bir neçə amerikalı biznesmenə aidiyyatı olan geniş miqyaslı federal təhqiqat çərçivəsində həyata keçirilib.

Kuelyarın köməkçisi bildirib ki, konqresmen “istənilən təhqiqatda (hakimiyyətlə) tam əməkdaşlıq edəcək”.

Kuelyar 2005-ci ildən ABŞ konqresinin üzvüdür. Son illərdə o, Amerika parlamentinin Aşağı Palatasında Azərbaycan fraksiyasınınhəmsədri olub və Azərbaycanın rəsmi şəxsləri, o cümlədən də Azərbaycanın Vaşinqtondakı səfiri Elin Süleymanovla dəfələrlə görüşüb – nəşr qeyd edir.

FBI və Ədliyyə Nazirliyinin nümayəndələri hələlik məsələni şərh etmir.

Araşdırılan bu işdə türk mənşəli amerikalı Kamal Kevin Öksüzün də adı hallanır.

Kamal Kevin Öksüz kimdir?

2018-ci ildə Ermənistanda İnterpolun “qırmızı orderi” üzrə həbs edilən türk əsilli Amerika vətəndaşı Kamal Kevin Öksüz ABŞ-da Azərbaycanın xeyrinə lobbiçilik işi aparıb.

Konqresmenin Azərbaycana səfərləri ilə bağlı ifadəsində Öksüz Konqres nümayəndələrinə yalan məlumatlar verdiyini etiraf edib.

Beləliklə, Öztürk 2013-cü ildə ABŞ parlamentinin bir neçə nümayəndəsinin Azərbaycana səfərlərinin təşkilinə dair hesabatlarda bu səfərlərin öz təşkilatı tərəfindən maliyyələşdirildiyini və xaricdən maliyyə dəstəyi almadığını qeyd edib.

İstintaq versiyalarından birinə görə, bununla Kamal Kevin Öksüz sözügedən səfərlərin Azərbaycan hökumətinə məxsus SOCAR dövlət şirkəti tərəfindən maliyyələşdirildiyini hakimiyyətdən gizlədib.

Bakıdan şərh

Azərbaycana səfərləri ilə bağlı Amerika konqresmeni ətrafında cərəyan edən olayları şərh edərkən siyasətçi, müxalif Respublikaçı Alternativ Partiyasının icraçı katibi Natiq Cəfərli bildirib ki, əsas problem Azərbaycan hakimiyyətinin dünya reallıqlarını anlamamasındadır.

“Hamıya məlumdur ki, ABŞ-da lobbiçilik fəaliyyəti tam qanunidir. Bu işi nizamlayan xüsusi qanunlar var. Amma nəyə görəsə, həm Azərbaycan hakimiyyətinin, həm də yerli şirkətlərin qanuni fəaliyyətlə arası yoxdur. Bütün bunları qanuniləşdirmək, müvafiq müqavilələr imzalamaq olardı və bu, hüç kimdə şübhə oyatmazdı.

Bu gün ətrafında gərginlik yaşanan elə həmin Ukraynanı götürün. Bu dövlətin Amerika parlamentində eyni zamanda bir neçə lobbiçilik qrupu var. Tam qanuni. Bu insanlarla müqavilə imzalanıb, hər şey şəffafdır. Bu və ya digər ölkənin lobbiçiliyini edən senator və konqresmenlər buna görə pül mükafatları da ala bilərlər. ABŞ qanunları buna imkan verir.

Azərbaycana səfərlər ətrafında qalmaqal əslində maliyyələşdirmə faktı gizlədildiyi üçün yaranıb. Halbuki bunu sivil yolla etmək olardı. Elə həmin SOCAR müqavilə bağlamalı idi. Başqa heç nə. Sadəcə qanunlara riayət etmək lazım idi.

Gördüyümüz kimi boş yerə yaranmış qalmaqalın əsas səbəbi Azərbaycan hakimiyyətinin dünya reallıqlarını yanlış anlamasıdır. Dünyanın beyin mərkəzləri ilə işləmək olar və lazımdır. Qanuna riayət edərək. Daha düşünmək lazım deyil ki, əgər pulumuz varsa, hər şeyi ala bilərik”, – Cəfərli bildirib.