Jurnalist Əziz Orucov 2 il müddətinə azadlıqdan məhrum edilib
Azərbaycanda həbslər – Əziz Orucov
“Kanal 13” internet televiziyasının rəhbəri Əziz Orucovun cinayət işi üzrə məhkəmə prosesi başa çatıb.
Bu gün, fevralın 26-da Bakının Səbail rayon Məhkəməsində hakim Günel Səmədovanın sədrliyi ilə keçirilən prosesdə hökm oxunub.
Əziz Orucov 2 il müddətinə azadlıqdan məhrum edilib.
Prokuror onun 2 il 6 ay müddətinə azadlıqdan məhrum edilməsini istəmişdi.
Əziz Orucov 2023-cü il noyabrın 27-də saxlanılıb. İlkin olaraq ona qarşı Cinayət Məcəlləsinin 188.2-ci (qanunla müəyyən edilmiş mülkiyyət, istifadə və ya icarə hüququ olmadan torpaq sahəsində özbaşına tikinti aparma) maddəsi ilə cinayət işi açılıb. Daha sonra ona qarşı Cinayət Məcəlləsinin 206.3.2-ci (qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə əlavə ittiham irəli sürülüb. Bir müddət əvvəl 206.3.2 maddəsi ilə cinayət işinə xitam verilib.
Azərbaycanda həbslər – Əziz Orucov
