Tələbələrdən yeddi məsləhət

Yəqin ki, bütün tələbələri bayramdan dərhal sonra başlayan qış sessiyasının imtahanları dəhşətə gətirir, bayram vaxtı onlara hazırlaşmaq məcburiyyəti isə lap dilxor edir. Onlar bayram şənliklərində iştirak etmək, “Facebook”da maraqlı şəkillər yerləşdirmək, dostlarla şənlənmək və rəqs etmək əvəzinə dərslik və səliqəsiz xətlə yazılan konspektlərin arxasında yuxusuz gecələr keçirməli olurlar.

Tələbələrin bu günlərdə imtahanlara necə hazırlaşdığını və stressin öhdəsindən necə gəldiyini aydınlaşdırmaq üçün Ermənistanın ali məktəblərinin müxtəlif fakültələrində təhsil alan 40 tələbə arasında sorğu keçirdik. Çoxsaylı cavablar arasından öz yararlığı, nikbinliyi və yumoru ilə seçilən cəmi 7 cavabı təqdim edirik.

Beləliklə tələbələr məsləhət görür:

1. Rahat olun. Sizi qabaqda hələ çoxlu imtahan və qeyd edə bilməyəcəyiniz bayramlar gözləyir, çünki saatlarla dərslik oxumalı olacaqsız. Reallıqla razılaşın. Axı siz ali təhsilli olmaq istəyirsiz.
2. Özünüzə xoş anlar yaşadın. Yorulduğunuzu hiss edəndə oxumağı dayandırın, özünüzə əzab verməyin. Fasilələr edin, misal üçün, alış-verişə gedin, gözəllik salonuna baş çəkin, musiqi dinləyin, oyun oynayın, istirahət edin. İmtahana hazırlıq prosesini cəhənnəmə çevirməyin.
3. Şirniyyat yeyin. Şokolad, un məmulatları, marmelad orqanizmdə xoşbəxtlik hormonunun istehsalına kömək edir.
4. Bayramları qeyd edin, imtahanlar barədə düşünməyin. İçki içməyə gedin. Gecəni pabda keçirmək imtahana hazırlıqsız getmək və kəsilmək üçün ən yaxşı üsuldur. Sizi universitetdən  qovacaqlar və nəhayət, istirahət edə biləcəksiz.
5. Qabları sındırın, eyvana çıxın, gücünüz çatdığı qədər qışqırın, paltarları pəncərədən aşağı atın, sonra da heç nə olmamış kimi masanın arxasına keçib, dərs oxumağa  davam edin.
6. Qohum-əqrəbanızı yaxşı-yaxşı öyrənin, ola bilsin, rektor, dekan və ya müəllimlərdən kimsə sizin uzaq qohumunuz çıxdı…
7. Tərəzinin bir gözünə bayramları necə lazımdı qeyd edin, o biri gözünə də yaxşı təhsil almaq imkanını qoyun.

İmtahanda uğurlar diləyi ilə!