2017-ci ildə Ermənistanda botulizmlə bağlı 12 hal qeydə alınıb, bir nəfər ölüb

2017-ci ildə Ermənistanda ağır qida zəhərlənməsi – botulizmlə bağlı 12 hal qeydə alınıb, zəhərlənənlərdən bir nəfər ölüb, – Səhiyyə Nazirliyi xəbər verir.

Armavir, Tavuş, Ararat və Vayots Dzor sakinləri ev şəraitində xiyar və bibərdən hazırlanmış şoraba və konservləşdirilmiş pomidordan zəhərləniblər.

Xəstəliyin simptomları yeməkdən 1-2 saat sonra və ya 12 gün müddətində özünü göstərə bilər. Zəhərlənənlərdə ürəkbulanması, qaytarma, diarreya və ya qəbzlik, başgicəllənmə, ağızda quruluq, görmə, nitq, nəfəs problemi, gözünün qarşısındakıların ikiləşməsi, kirpiklərin ağırlaşması, bəbəklərin böyüməsi, səs tembrinin dəyişməsi, ürək ritminin azalması, insult müşahidə oluna bilər.

Səhiyyə Nazirliyi bildirir ki, botulizmin profilaktikası üçün aşağıdakılar vacibdir:

• Ev şəraitində hazırlanmış konservləşdirilmiş ərzaqlardan uzaq olmaq,

• ərzaqları dondurma, qurutma və ya duzlama yolu ilə konservləşdirmək,

• ev konservlərini istifadə etməzdən əvvəl termik işləmədən keçirmək, yəni 20-25 dəqiqə qaynatmaq,
• ev konservlərini bazardan, tanımadığınız insanlardan almamaq,

• ilk simptomlar müşahidə olunan kimi həkimə müraciət etmək.