Կորոնավիրուս, նորություններ։ 1,5 հազար մարդ է մայիսին թոքաբորբից մահացել Պետերբուրգում

Ընդհանուր առմամբ, Հայաստանում համավարակի սկզբից ի վեր մահացել է 183 մարդ, վարակվել են 11 817-ը, ապաքինվել՝ 3 513-ը։

Առողջացածների թվում է 101 տարեկան մի կին, որը ծանր վիճակում է ընդունվել հիվանդանոց։

Առողջապահության նախարար Արսեն Թորոսյան․

«Մեր մտածելակերպը պետք է հարմարեցնենք նոր իրողություններին: Չենք գտնի որևէ ընտանիք, որտեղ չլինի տարեց, չենք գտնի որևէ ընտանիք, որտեղ չլինի քրոնիկ հիվանդություն ունեցող քաղաքացի՝ դիաբետ, զարկերակային գերճնշում, սրտի իշեմիկ հիվանդություն, քաղցկեղ և այլն: Նրանք բոլորը կորոնավիրուսային հիվանդության ուղիղ թիրախի տակ են»։

Հայաստանում մեկ օրում արձանագրվել է 697 նոր դեպք և 6 մահ։

Ընդահնոր առմամբ, մահացել է 176 մարդ։

Վարակվել է 11 221 մարդ, նրանցից 3 468՝ առողջացել։

Վարչապետը Facebook-ի իր էջում կոչ է արել ստեղծել «հակահամաճարակային շարժում»։

Կորոնավիրուսի դեմ պայքարի միջոցները Հայաստանում

Արտակարգ դրությունը շարունակում է գործել Հայաստանում մինչև հունիսի 13–ը։

Սակայն արդեն չեղարկվել են տեղաշարժի սահմանափակումներն ու բացվել գրեթե բոլոր ձեռնարկությունները, նաև խանութները, վարսավիրանոցները, թանգարանները։

Մայիսի 18–ից թույլատրված է հանրային տրանսպորտի աշխատանքը։ Բոլոր ուղևորները պետք է տրանսպորտից օգտվեն դիմակներով։

• Կավասակիի համախտանիշի առաջին դեպքն է Հայաստանում գրանցվել կորոնավիրուսով վարակված քառամյա երեխայի մոտ

Այս եզրակացությունը հիմնված է պաշտոնական վիճակագրության վրա։

Սանկտ Պետերբուրգում 2019 թ–ի մայիսին մահացել է 4 875 մարդ, իսկ 2020 թ–ի մայիսին՝ 6427 մարդ, այսինքն՝ մահացության աճը 32 տոկոս է։

Շատ բժիշկներ և փորձագետներ բացահայտ խոսում են այն մասին, որ այդ գրեթե մեկ ու կես հազար մահերը կորոնավիրուսի համավարակի ողբերգական հետևանք են։ Սակայն Կորոնավիրուսից մահացածների պաշտոնական թիվը քաղաքում մայիսին կազմել է 171 մարդ։

Ռուսական ընդդիմության առաջնորդ Ալեքսեյ Նավալնին իր Տելեգրամ–ալիքում գրել է․

«Դա Սանկտ Պետերբուրգում հիվանդության վիճակագրության համատարած կեղծման ուղիղ հետևանք է։ Այնտեղ շաբաթներով նկարում են օրական գրանցված դեպքերի միևնույն քանակ՝ 370-380, և կառավարման հետ կապված որոշումներ կայացնում կեղծված տվյալների հիման վրա։

Դա պարզապես հրեշավոր հանցագործություն է։ Բոլոր կազմակերպիչները, կատարողներն ու հանցակիցներն անպայման դատարանի առաջ են կանգնելու»։

Ընդհանուր առմամբ, Ադրբեջանում համաճարակի մեկնարկից ի վեր մահացել է 76 մարդ։

Վարակվել է 6 260 մարդ, նրանցից 3 665–ն ապաքինվել է։

Ադրբեջանի սահմանները փակ կմնան նվազագույնը մինչև հունիսի 15–ը։ Սակայն աշխատանքը վերսկսել են բոլոր ռեստորանները, խանութները, ձեռնարկություններն, անգամ առևտրի նոր կենտրոն է բացվել։ Դեռևս փակ են կինոթատրոնները, զվարճանքի կենտրոնները, մարզասրահները։

• «Եթե չվախենաս, չես վարակվի»։ Ադրբեջանում չեղարկվել է կարանտինը․ ի՞նչ են մտածում մարդիկ

Հայաստանում վարակման 515 և մահվան 12 նոր դեպք է գրանցվել մեկ օրում։

Ընդհանուր առմամբ, Հայաստանում համաճարակի մեկնարկից ի վեր մահացել է 170 մարդ։

Վարակվել է 10 524 մարդ, նրանցից 3 454–ն ապաքինվել է։

Հայաստանի վարչապետ Նիկոլ Փաշինյանը մեկուսացման մեջ է, նրա և նրա ողջ ընտանիքի մոտ կորոնավիրուս է հաստատվել։ Նա կրկին կոչ է արել մարդկանց հեռավորություն պահպանել և պաշտպանել իրենց․

«Ես ո՞նց անեմ, սպեցնազը հանեմ, ժողովրդին ծեծ ու ջարդով տանեմ տնե՞ր: Ես այդպես չեմ կարող։ Պետք է դուբինկաներով պահե՞նք, էդպես վարվում են հանցագործ շրջանակների հետ, սեփական ժողովրդի հետ ես ո՞նց էդպես վարվեմ․․․

Իսկ մեղավորների փնտրտուքը անիմաստ գործ է, որովհետև եթե մեղավոր է ժողովուրդը, ուրեմն մեղավոր է նաև կառավարությունը, իսկ եթե մեղավոր է կառավարությունը, ուրեմն մեղավոր է ժողովուրդը, որովհետև էդ ժողովուրդն է էս կառավարությանը բերել իշխանության, մենք մի մարմին ենք, մեզ հնարավոր չի տարանջատել»։

• Հայաստանի՝ կորոնավիրուսով վարակված վարչապետը ճեպազրույցի է մասնակցել

Վրաստանում վարակման 3 նոր դեպք է գրանցվել, բոլոր երեքն էլ կապված են բեռնատարների վարորդների հետ, որոնք օտարեկրացիներ են։

Վրաստանում մայիսի 23–ից չեղարկվել է արտակարգ դրությունն ու կարանտինային միջոցների մեծ մասը։ Վերագործարկվել է բնակավայրերի ներսում երթևեկող հանրային տրանսպորտը։

Հունիսի 8–ից սկսում է աշխատել տրանսպորտը ողջ երկրում, այդ թվում միջքաղաքային, նաև գնացքները։

Հուլիսի 1–ից Վրաստանն առաջարկում է կրկին դիմավորել արտասահմանցի զբոսաշրջիկներին։

• Հայաստանում շարունակում է աճել կորոնավիրուսով վարակվածների թիվը։ Վրաստանը հայ զբոսաշրջիկների համար սահմանը չի բացի

• Կովկասում կորոնավիրուսի համաճարակի վերաբերյալ նախորդ օրերի տեղեկատվությունը