Թբիլիսիի օդանավակայանում ուղևորներից գանձվող վճարներն ավելանում են
Մարտի 1-ից Թբիլիսիի միջազգային օդանավակայանում ուղևորներից գանձվող վճարներն ավելանում են 2 դոլարով՝ հասնելով 24 դոլարի:
Այս մասին հայտարարել է «Վրաստանի միավորված օդանավակայանների» ղեկավար Կետևավան Ալեքսիձեն «Բիզնեսկոնտրակտ» հաղորդման եթերում:
Ուղևորներից գանձվող միջնորդավճարը ներառված է Թբիլիսիի միջազգային օդանավակայանից իրականացվող բոլոր չվերթներիտոմսերի մեջ: Համապատասխանաբար, այդ վճարների ավելացումը կհանգեցնի նաև տոմսերի թանկացմանը:
Իր հերթին Georgian Airways ավիաընկերության ղեկավար Գիվի Դավիթաշվիլին հայտարարել է, որ տոմսերը կարող են թանկանալ նաևվառելիքի թանկացման հետևանքով (հունվարի 1-ից Վրաստանում բարձրացել են վառելիքի ակցիզները):
2016թ. Թբիլիսիի միջազգային օդանավակայանը սպասարկել է 2 մլն ուղևորի, նրա եկամուտը կազմել է 44 մլն դոլար: Թբիլիսիիմիջազգային օդանավակայանի օպերատորը թուրքական TAV Airports ընկերությունն է:
