RMG GOLD–ի ոսկու արդյունահանման ընկերության աշխատակիցները գումար են նվիրաբերում Վրաստանի իշխող կուսակցությանը

Իշխող «Վրացական երազանքը» 2020 թ–ին ավելի քան 4.7 միլիոն լարի (մոտ 1.5 մլն դոլար) նվիրատվություն է ստացել 240 անձանցից։ «Ազատ տեղեկությունների զարգացման ինստիտուտի» (IDFI) անցկացրած հետազոտության ընթացքում պարզվել է, որ հաճախ գումարը նվիրաբերում են միևնույն ընկերության աշխատակիցները։ Ընդ որում, նրանց թվում քիչ չեն սովորական աշխատակիցները, որոնք ղեկավար պաշտոն չեն զբաղեցնում։

 IDFI–ը պնդում է, որ Վրաստանում դա տարածված պրակտիկա է․ որպես կանոն, իշխող կուսակցությանը գումար է փոխանցում ընկերությունը, սակայն օրենքին չհակասելու համար այդ գումարը ձևակերպում է որպես մի քանի հոգու կատարած նվիրատվություն․ օրենքն արգելում է քաղաքական կոսակցություններին ավելի քան 120 հազար լարի նվիրաբերել։

Իշխող «Վրացական երազանքը» հարյուր հազարավոր լարի է ստացել RMG GOLD ընկերության աշխատակիցներից։

RMG GOLD ոսկու արդյունահանման ընկերության ավելի քան 20 աշխատակից՝ ինչպես թոփ մենեջերներն, այնպես էլ շարքային աշխատակիցներն, իշխող կուսակցության հաշվին այս տարի փոխանցել են ավելի քան 800 հազար լարի (260 հազար դոլարից ավելի)։

IDFI–ը կարծում է, որ RMG GOLD–ի նվիրատվությունների պատմությունով պետք է զբաղվեն աուդիտորական ծառայությունները։