Բրիտանական The Times ամսագիրը հետաքննություն է հրապարակել, որը հիմնված է Ուկրաինայում հիբրիդային պատերազմի մեթոդների մասին զեկույցի նյութերի վրա: Նոր տեղեկատվությունը ստացվել է Ռուսաստանի նախագահական վարչակազմի պաշտոնյա““ Կրեմլի գլխավոր իդեոլոգ Վլադիսլավ Սուրկովի էլեկտրոնային փոստը կոտրելու շնորհիվ։ Սա տեղեկատվության արդեն երրորդ արտահոսքն է 2016թ-ից ի վեր: Այն ստացել է Surkov Leaks-3 անվանումը: Նախորդ երկուսը կոչվում էին Surkov Leaks-1 և Surkov Leaks-2:
Surkov Leaks-3-ը պատմում է, մասնավորապես, Ուկրաինայի Զապորոժիեի շրջանի գրավման և երկրում իրավիճակն ապակայունացնելու գաղտնի պլանի նախապատրաստման մասին:Կրեմլը դա սուտ է անվանում: Հրոմադսկոյեն շփվել է հետազոտության համահեղինակներից մեկի՝ Euromaidan Press-ի գլխավոր խմբագիր Ալյա Շանդրայի հետ: Այս նյութումհավաքված են նրա հետ զրույցի հիմնական թեզերը:
Երբ տեղի ունեցավ Surkov Leaks-1-ն ու Surkov Leaks-2-ը, բոլոր վերլուծաբանները սպասում էին ուկրաինական պատերազմին Ռուսաստանի մասնակցության սենսացիոն ապացույցների հրապարակմանը: Այդպիսի տեղեկատվություն այնտեղ չկար, ինչը մի փոքր հիասթափեցրեց: Արտահոսքի հետևանքով հրապարակված փաստաթղթերի երրորդ մասում հետազոտողները հայտնաբերեցին հիբրիդային պատերազմ վարելու գաղտնի մեթոդների առկայության վկայություններ՝ հազարավոր նախաձեռնություններ և նախագծեր, որոնք ուղղված են Ուկրաինային ներսից հաղթելուն:
Surkov Leaks-3 արտահոսքի բովանդակությունը Սուրկովի աջ ձեռքը համարվող աբխազական ծագում ունեցող ռուսաստանցի պաշտոնյա Ինալ Արձինբայի էլեկտրոնային փոստի հաղորդագրություններն են, որը համակարգում էր անջատողական նախագծերն Ուկրաինայում: Արձինբայի նամակագրությունը մասնակի է դեռ հաջողվել գաղտնազերծել, մինչև հիմա դեռ 9 փաստաթուղթ կա, որոնք ծածկագրով պաշտպանված են և որոնցում, ըստ ամենայնի, քիչ չէ հետազոտողների համար հետաքրքիր տեղեկատվությունը:
Բրիտանական մամուլում այդ փաստաթղթերի վրա հիմնված հրապարակումներ են արդեն հայտնվել: Խոսքը գնում է դրանցում նկարագրված «Տրոյա» գործողության մասին, որը Կրեմլ է ուղարկել ԴԺՀ-ում Պուտինի ներկայացուցիչ Ալեքսեյ Մուրատովը: Ապակայունացման զարգացման վրա Մուրատովն առաջարկում էր 181 հազար դոլար ծախսել: Փաստաթղթում բավականին մանրամասն շարադրված է այդ գործողության բյուջեն. 40 հազար դոլար նախատեսվում էր տրամադրել Ուկրաինայի Զապորոժիեի շրջանում ռուսամետ ցույցերի կազմակերպման համար, ևս 10 հազար՝ Ուկրաինայի անվտանգության խորհրդի և ՆԳՆ աշխատակիցներին հավաքագրելու համար և մինչև 49 հազար դոլար՝ անհրաժեշտ տրանսպորտ գնելու համար:
Այդ պլանի համաձայն՝ պետք է տեղի ունենա Զապորոժիեի շրջանի գրավում և նախապատրաստում Ռուսաստանի ռազմական ներխուժմանը: Պլանավորվում էր նաև այսպես կոչված «Նովոռոսիայի» ընդլայնում. անջատողականները պետք է վերահսկողության տակ առնեին Ուկրաինայի նաև այլ շրջանները: Ինչպես հետևում է Surkov Leaks-3 փաստաթղթերից, «Տրոյա» գործողությունը պետք է այդ շրջանների տեղացիներին նախապատրաստեր ռազմական ներխուժմանը, ինչպես նաև ուկրաինական հատուկ ծառայությունների և զինված ուժերի աշխատակիցներին գրավեր:
«Դա կոչվում է «ռեֆլեքսիվ կառավարում», — բացատրել է Հրոմադսկոյեի զրուցակից Ալյա Շանդրան, — երբ դու հակառակորդին այնքան լավ ես ճանաչում, որ ստիպում ես նրան քո օգտին գործողություններ կատարել՝ ուղղակիորեն չստիպելով նրան: Կարծես, այն փաստաթղթերը, որ մենք ստացել ենք, հիբրիդային պատերազմ վարելու յուրօրինակ ռուսական «մեթոդական ձեռնարկ» են»:
Հետազոտության հեղինակները պլանավորում են ամբողջական հաշվետվությունը հրապարակել մայիսի վերջին Բրիտանիայում:
