Մայիսի 5-ին Վրաստանում սահմանադրական փոփոխությունների լայն քննարկում է սկսվել

Այսօր Քութայիսիում սկսվել է սահմանադրական փոփոխությունների լայն հանրային քննարկումը: Այդ գործընթացը 11 օր կտևի և կընդգրկի Ամբրոլաուրին, Օզուրգեթին, Բաթումը, Զուգդիդին, Ախալցխան, Գորին, Թելավին, Մծխեթան, Ռուսթավին և Թբիլիսին:

Համաժողովրդական քննարկումները կանցկացնի 9 հոգուց բաղկացած կազմակերպչական հանձնաժողովը, որի կազմում են «Վրացական երազանքի-Ժողովրդավարական Վրաստանի» 2 պատգամավոր, «Շարժում հանուն ազատության — Եվրոպական Վրաստանի» 2 պատգամավոր, «Հայրենսասերների դաշինքի» 1 պատգամավոր, 2 սահմանադրագետ, քաղաքացիական հատվածի 1 ներկայացուցիչ

(«Միջազգային թափանցիկություն. Վրաստան») և խորհրդարանի աշխատակազմի մեկ ներկայացուցիչ:

[toggle title=”Ի՞նչն է փոխվում Սահմանադրական նախագծի համաձայն:“]

[line_list]

• Չեղարկվում են նախագահի ուղղակի համաժողովրդական ընտրությունները: Նրան ընտրելու է 300 պատվիրակներից կազմված ընտրական կոլեգիան, որոնց թվում են Վրաստանի խորհրդարանի, տեղական իշխանությունների, ինչպես նաև ինքնավար հանրապետությունների գերագույն խորհուրդների ներկայացուցիչները:

• Կլուծարվի Ազգային անվտանգության խորհուրդը, որը, Սահմանադրության համաձայն, գլխավորում է երկրի նախագահը: Դրա փոխարեն կստեղծվի Ազգային պաշտպանության խորհուրդ, որը ռազմական դրության ժամանակ սահմանադրական մարմինների միասնական համակարգում կիրականացնի: Դրա մշտական անդամները կլինեն նախագահը, վարչապետը, խորհրդարանի նախագահն ու Վրաստանի զինված ուժերի գլխավոր հրամանատարը:

• Վրաստանն ամբողջությամբ կանցնի համամասնական ընտրական համակարգի:

• Նոր Սահմանադրության համաձայն՝ բլոկ ձևավորել չի կարելի:

• Անփոփոխ է մնում 5% ընտրական շեմը: Խորհրդարան չանցած կուսակցությունների ստացած ձայներն ամբողջությամբ անցնում են ընտրություններում հաղթած կուսակցությանը:

• Պատգամավորների համար ներքին տարիքային շեմը 21-ից բարձրացվում է մինչև 25:

• Սահմանադրության նախագծում չկա հոդված, որում նշված լինի, որ խորհրդարանը Քութայիսիում է լինելու:

• Դատախազությունը չի ենթարկվելու արդարադատության նախարարությանը, այն խորհրդարանին հաշվետու անկախ մարմին կդառնա: Այդ մարմինը կղեկավարի գլխավոր դատախազը, որին կընտրի խորհրդարանը 6 տարով:

• Օմբուդսմեն չի կարող երկու անգամ նույն անձն ընտրվել:

• Պետությունը պետք է օրենք ընդունի, որը սահմանափակում է այլ երկրի քաղաքացիների և քաղաքացիություն չունեցող անձանց քաղաքական գործունեությունը:

[/line_list]

[/toggle]

Շրջաններ մեկնելը կազմակերպչական հանձնաժողովի աշխատանքի առաջին փուլն է: Սահմանադրական փոփոխությունների նախագծի քննարկումը պլանավորված է տարբեր խմբերի հետ: Դրանից հետո նախագիծը կներկայացվի խորհրդարանի քվեարկությանը:

Քննարկումներին մասնակցում է նաև Վրաստանի նախագահը: 4-ամսյա անորոշությունից հետո նախագահն այնուամենայնիվ համաձայնել է մասնակցել սահմանադրական բարեփոխման գործընթացին: