Հարձակում Թբիլիսիում․ երիտասարդը բենզին է լցրել մի աղջկա վրա և փորձել այրել նրան
Թբիլիսիում երիտասարդ կին է հարձակման ենթարկվել․ տղամարդը նրա վրա բենզին է լցրել և այրել։ Արդյունքում՝ այրվել է կնոջ մարմնի 37%–ը։ Նա տեղափոխվել է այրվածքաբանական կենտրոն։
Վրացական լրատվամիջոցների հրապարակումների համաձայն՝ տղամարդն աղջկա զուգընկերն է եղել, և նրանց միջև վեճ է առաջացել։ «Տուժածի վիճակը կայուն է, նա դեռ չի հաղթահարել այրվածքային շոկն ու վերակենդանացման բաժանմունքում է», – ասել է այրվածքաբանական կենտրոնի տնօրեն Գուգա Կաշիբաձեն։
Նրա խոսքով՝ այրվել են երիտասարդ կնոջ ոտքերն ու ձեռքերը։ Թբիլիսիի Դիդուբե–Չուգուրեթի շրջանի ոստիկանության աշխատակիցներն արդեն ձերբակալել են հարձակված 24–ամյա տղամարդուն դիտավորյալ սպանության մեղադրանքով։
Իրավապահ մարմինները որպես ապացույց մի շիշ բենզին են առգրավել։ Ձերբակալվածն իրեն մեղավոր է ճանաչում, հաղորդել է ՆԳՆ–ն։ Նրան 7–15 տարվա ազատարկում է սպառնում։