Հայաստանն Ադրբեջանի դեմ միջպետական գանգատ է ներկայացրել Եվրոպական դատարան

Հայաստանի կառավարությունը փետրվարի 1-ին Ադրբեջանի դեմ միջպետական գանգատ է ներկայացրել Մարդու իրավունքների եվրոպական դատարան։ Այս մասին ասված է ՄԻԵԴ-ում Հայաստանի ներկայացուցչության ֆեյսբուքյան էջում։

Երևանը Բաքվին մեղադրում է 2020 թ․ աշնանն արցախյան երկրորդ պատերազմի ժամանակ և դրանից հետո մի շարք կոնվենցիաներ խախտելու մեջ։

• Ադրբեջանի և անհայտության գերիները․ հայկական կողմի փորձերը՝ նրանց գտնելու և վերադարձնելու
• Կարծիք․ ինչուէ խաղաղությունն Արցախում անհուսալի, և Ռուսաստանին անհրաժեշտ է Արևմուտքի աջակցությունը

«ՀՀ կառավարությունը պնդում է, որ Ադրբեջանը խախտել է Արցախի և ՀՀ-ի բնակչության կյանքի, խոշտանգումներից և անմարդկային վերաբերմունքից զերծ մնալու, անձեռնմխելիության, սեփականության, անձնական և ընտանեկան կյանքի, կրթության և մի շարք այլ իրավունքները», — ասված է ՄԻԵԴ-ում Հայաստանի ներկայացուցիչ Եղիշե Կիրակոսյանի հաղորդագրությունում։

Հայցում անդրադարձ կա նաև ռազմագերիների, սպանված և վիրավոր խաղաղ բնակիչների, գույքը կորցրած անձանց, ինչպես նաև տեղական և արտասահմանյան լրատվամիջոցների իրավունքների պաշտպանության հարցերին։

«Այս միջպետական գանգատը պետության անունից ընդդեմ Ադրբեջանի տարվող իրավական գործընթացի կարևորագույն քայլ է: Այս առումով հատկանշական է, որ այս գանգատը Եվրոպական դատարան ՀՀ-ի կողմից ներկայացվող առաջին միջպետական գանգատն է», — ընդգծել է ՄԻԵԴ-ում Հայաստանի ներկայացուցիչը։

Եղիշե Կիրակոսյանի հաղորդագրությունում ասվում է, որ գանգատին կցված են Ադրբեջանին ներկայացված մեղադրանքների բազմաթիվ և ծավալուն ապացույցներ։