Վրաստանը խզել է Չինաստանի հետ ուղիղ ավիահաղորդակցությունը

Վրաստանում կորոնավիրուսի ներթափանցման և տարածման կանխարգելման շրջանակում երկրի իշխանությունները որոշել են կասեցնել Չինաստանի հետ ուղիղ ավիահաղորդակցությունը։

Այս մասին «Ինտերպրեսնյուսին» հաղորդել են Քաղաքացիական ավիացիայի գործակալությունում։ Ընդունված որոշման մասին իրազեկվել է Չինաստանի Ժողովրդական Հանրապետության ղեկավարությունն ու համապատասխան ավիաընկերությունները։

Ուղիղ ավիաչվերթները չեղարկվել են մինչև  այս տարվա մարտի 29–ը։ Հետագա գործողությունները պայմանավորված են Չինաստանում համաճարակային իրավիճակից։

Դրանից զատ վրացական օդանավակայաններում ուժեղացվել է Չինաստանից ժամանող տարանցիկ ուղևորների նկատմամբ վերահսկողությունը։