Այսօր Ադրբեջանում նշում են Պետական դրոշի օրը, քանի որ ներկայիս ադրբեջանական եռագույնը ստեղծվել է 1918թ-ի նոյեմբերի 9-ին Ադրբեջանի Ժողովրդավարական Հանրապետության տարիներին:
Յուրաքանչյուր ադրբեջանցի դպրոցական գիտի, թե ինչ են նշանակում դրոշի գույները. երկնագույնը թյուրք էթնոսի խորհրդանիշն է (ադրբեջանցիները պատկանում են թյուրքական խմբին), կարմիրը՝ ժողովրդավարական արժեքների, կանաչն՝ իսլամական մշակույթի:
Սա առաջին ադրբեջանական դրոշը չէ, 1918թ-ից հետո էլ նրան նոր արկածներ էին սպասվում:
Սկզբում ԱԺՀ հիմնադիրները որպես հիմք են վերցրել Թուրքիայի դրոշը՝ փոխելով հնգաթև աստղը ութաթևի: Այդ տարբերակը 5 ամիս ապրեց՝ մինչև նոյեմբերի 9-ին ներկայիս դրոշի ստեղծումը:
1920թ-ին՝ 11-րդ կարմիր բանակի կողմից Բաքուն գրավելուց հետո, Ադրբեջանը խորհրդային հանրապետություն հռչակվեց: 1921թ-ին դրոշը փոխեցին կարմիրով՝ կանաչ դաշտում ԱԽՍՀ տառերով (այն ժամանակ օգտագործվում էր արաբական այբուբենը):
1937թ-ին գրառումը թարգմանեցին և տեղը փոխեցին:
1952թ-ին դրոշը կրկին փոխեցին՝ այժմ արդեն որպես հիմք ընդունելով խորհրդային դրոշը՝ մուրճով և մանգաղով:
Եվ, ի վերջո, ԽՍՀՄ փլուզումից հետո՝ 1991թ-ի փետրվարի 5-ին անկախ Ադրբեջանը կրկին վերադարձրեց եռագույն դրոշը, ինչպես այն ստեղծել էին Առաջին հանրապետության հիմնադիր հայրերը: