«Կորոնավիրուսի համաճարակային վիճակը Հայաստանում շարունակաբար թուլանում է» - Հայաստանի վարչապետ
Օգոստոսի 7-ի դրությամբ Հայաստանում կորոնավիրուսով վարակվածների թիվն ավելացել է 166-ով և դարձել 39 985:
Մահացել է ևս 5 մարդ: Մահացածների ընդհանուր թիվը հասավ 777-ի։
Առողջացել է ևս 452 պացիենտ, նրանց ընդհանուր թիվը կազմում է 32 008։
Շարունակում է բուժում ստանալ 6 972 պացիենտ։
Ընդհանուր առմամբ, կատարվել է 172 994 թեստավորում, անցած օրվա ընթացքում՝ ընդամենը 1 394:
«Կորոնավիրուսի համաճարակային վիճակը Հայաստանում շարունակաբար թուլանում է, բայց հայտնաբերված դեպքերը դեռ մեծաթիվ են», — օգոստոսի 7-ին կառավարության նիստի ժամանակ հայտարարեց վարչապետ Նիկոլ Փաշինյանը։
Նրա խոսքով՝ եթե նախկինում նոր դրական դեպքերը կազմում էին օրվա հետազոտությունների 25-30 տոկոսը, ապա հիմա տատանվում են 15 տոկոսի սահմաններում՝ պլյուս-մինուս 1-2 տոկոս։
«Մեր ամենապիկը ծայրահեղ ծանր հիվանդների եղել է 131, դա արձանագրվել է հուլիսի 8-ին, և ծանր դեպքերի պիկը եղել է հուլիսի 9-ին՝ 572 դեպք։ Տեսնում ենք, որ էականորեն թվերը նվազել են», — ասաց Փաշինյանը:
Վարչապետի կարծիքով, իրավիճակը բարելավվել է դիմակներ կրելու շնորհիվ է:
