Կոռոնավիրուսի դեմ պայքարի կառավարության գործողություններին գնահատական կտա ԱԺ քննիչ հանձնաժողովը

Հուլիսի 3-ի դրությամբ Հայաստանում կորոնավիրուսով վարակվածների թիվն ավելացել է 662–ով և դարձել 27 320:

Մահացել է ևս 10 մարդ: Մահացածների ընդհանուր թիվը հասավ 469-ի։

Առողջացել է ևս 448 պացիենտ, նրանց ընդհանուր թիվը կազմում է 15 484։ Շարունակում են բուժում ստանալ 11 211-ը։

Ընդհանուր առմամբ, կատարվել է 118 102 թեստավորում, անցած օրվա ընթացքում՝ 2 337:

• Ում և ինչ օժանդակություն է տրամադրվում Հայաստանում կորոնավիրուսի տնտեսական հետևանքների հաղթահարման ծրագրերով
• Կորոնավիրուսն ըննդեմ բիզնեսի։ Տեսանյութ Երևանից

Կոռոնավիրուսի դեմ պայքարի կառավարության գոծողություններին գնահատական կտա ԱԺ քննիչ հանձնաժողովը: Այս մասին հայտարարել է խորհրդարանի նախագահ Արարատ Միրզոյանը:

Հանձնաժողովը կուսումնասիրի կորոնավիրուսի տարածումը կանխելու, այդ վիրուսի դեմ պայքարի արդյունավետությունը:

«Ազգային ժողովի կանոնակարգ» Հայաստանի Հանրապետության սահմանադրական օրենքի 20-րդ հոդվածի 6-րդ մասի համաձայն` քննիչ հանձնաժողովի անդամների թիվը սահմանող Ազգային ժողովի որոշման նախագիծը կքննարկվի Ազգային ժողովի 2020թ. սեպտեմբեր ամսվա առաջին հերթական նիստում», — ասված է Արարատ Միրզոյանի հայտարարության մեջ:

Օրենքով նախատեսված է, որ խորհրդարանն իր աշխատանքներն ավարտում է հունիսի երկրորդ շաբաթվա ընթացքում, այսինքն սկսվում է արձակուրդային շրջանը։ Հունիսին պատգամավորները մասնակցել են արտահերթ նիստերի, հնարավոր է, դրա կարիքը զգացվի և հուլիսին։

Սակայն հանձնաժողովը ստեղծելու նախաձեռնությամբ հանդես եկած ընդդիմադիր «Բարգավաճ Հայաստան» ու «Լուսավոր Հայաստան» խմբակցությունները, արտահերթ նիստ այս հարցով չեն պատրաստվում նախաձեռնել։ Համենայն դեպս, «Լուսավոր Հայաստան» խմբակցության պատգամավոր Գևորգ Գորգիսյանն ասել է․

«Մենք չենք նախաձեռնելու արտահերթ նիստ․․․ Չեմ կարծում, դրա կարիքը կա»: