Իտալիայից Թբիլիսի հատուկ չվերթով կվերադառնա Վրաստանի 200 քաղաքացի։ Նրանք երկու շաբաթ կարանտինի մեջ կլինեն

Georgian Airways ավիաընկերության երկու ինքնաթիռ Հռոմ է մեկնել՝ հայրենիք տեղափոխելու Վրաստանի 200 քաղաքացու, որոնք տարբեր պատճառներով Իտալիայում են և չեն կարողանում տուն վերադառնալ կարանտինի պատճառով։

Առաջին չվերթի ժամանումը Թբիլիսի սպասվում է 19:30–ին։ Բոլոր 200 ուղևորները կարանտինի մեջ կլինեն։

Չվերթները կազմակերպել են Վրաստանի էկոնոմիկայի և արտաքին գործերի նախարարությունները, ծախսերն ամբողջությամբ վճարում է կառավարությունը։

Ինչպես նշել է Georgian Airways–ի գլխավոր տնօրեն Ռոման Բոկերիան, այն պատճառով, որ Իտալիայում փակ են օդանավակայանները, Հռոմի օդանավակայանում երկու չվերթի թույլտվություն ստանալը «շատ խնդրահարույց էր»։

•Վրաստանում կորոնավիրուսով 15 հիվանդ կա։ Մանրամասներ՝ վարակի աղբյուրի և պոտենցիալ սպառնալիքների մասին 

•Ինչպե՞ս խուսափել կորոնավիրուսից և ո՞րն է դրա սպառնալիքը; Հարցերի պատասխաններ՝ երկու րոպեանոց տեսանյութում 

•Կորոնավիրուս․ այլևս ոչ մի գրկախառնություն․ բարևելը՝ միայն արմունկներով և կոշիկներով։ ՏԵՍԱՆՅՈՒԹ

Վրաստանում գրանցվել է նոր կորոնավիրուսի հաստատված 15 դեպք։ Հիվանդները Վրաստանի քաղաքացի են, երկուսն Իրանից են եկել, մյուսներն՝ Իտալիայից կամ շփվել են այդ երկրից եկածների հետ։

Մարտի 10–ի առավոտի դրությամբ Թբիլիսիի ինֆեկցիոն հիվանդանոցում 30 պացիենտ կա։ Նրանց թվում են նաև կորոնավիրուսով վարակվածները։ Հիվանդներից մեկի վիճակը ծանր է։