Իսրայելը պատրաստ է զենք վաճառել նաև Հայաստանին. ՀՀ ԱԳ փոխնախարար
Իսրայելը պատրաստ է զենք վաճառել ցանկացածին, այդ թվում՝ Հայաստանին: Այս մասին այսօր հայաստանյան լրատվամիջոցների հետ զրույցում հայտարարել է ՀՀ արտաքին գործերի փոխնախարար Շավարշ Քոչարյանը:
«Իսրայելը միշտ պատրաստ է զենք վաճառել ցանկացած պետության, այդ թվում նաև մեզ: Դա արդեն կախված է գնային առաջարկություններից և այլ հարցերից»,- նշել է Քոչարյանը:
ԱԳ նախարարի տեղակալն ասել է, որ Իսրայելն Ադրբեջանին զենք է վաճառում ոչ Հայաստանի նկատմամբ թշնամության պատճառով:
ԶԼՄ-ների հարցին՝ Հայաստանը երբևէ բանակցություններ վարե՞լ է Իսրայելի հետ՝ զենք գնելու ուղությամբ, Շավարշ Քոչարյանը պատասխանել է. «Հարցն այլ գերատեսչությանն է ուղղված»:
Հայաստանի պաշտպանության նախարարությունից հարցին չեն անդրադարձել:
