Հայաստանի առանձնատների քաղաք Գորիսը՝ լուսանկարներով
Հայաստանի հարավում գտնվող Գորիսի առանձնահատկություններից մեկն է, որ այն համարվում է առանձնատների քաղաք: Դրանք տարբեր մարդկանց պատկանող, բայց նույն ոճով կառուցված տներ են:
![](http://jam-news.net/Uploads/Publication/1754/ContentImages/Hy-am/Goris_2.jpg)
Չնայած Գորիս քաղաքի կառուցապատումը սկսվել է 19 դարի 30 ականներից, համարվում է, որ այն հիմնադրվել է 1870 թվին:
![](http://jam-news.net/Uploads/Publication/1754/ContentImages/Hy-am/Goris_13.jpg)
1870-ին Գորիսը ստացավ ցարական Ռուսաստանի Ելիզավետպոլ նահանգի Զանգեզուր գավառակենտրոնի կարգավիճակ: Եվ այս կողմերի շատ մեծահարուստներ սկսեցին իրենց համար առանձնատներ կառուցել:
![](http://jam-news.net/Uploads/Publication/1754/ContentImages/Hy-am/Goris_3.jpg)
Այս տներն իրենց տեսքը պահպանել են մինչև մեր օրերը: Գորիսեցիներն էլ շարունակում են դրանք կոչել իրենց հին տերերի անուններով. օրինակ, Մելիք Հուսենյանի, Գալուստ Բադիրյանի, Յոլյանների…
![](http://jam-news.net/Uploads/Publication/1754/ContentImages/Hy-am/Goris_8.jpg)
Պատշգամբներն այդ բոլոր կառույցների համն ու հոտն են: Դրանք «պարտադիր են» նաև այսօր Գորիսում կառուցվող բոլոր շինությունների համար:
![](http://jam-news.net/Uploads/Publication/1754/ContentImages/Hy-am/Goris_7_all.jpg)
Ոմանք վերանորոգել են իրենց հին պատշգամբները՝ պահպանելով 19-րդ դարում Գորիսում տարածված զանգեզուրյան փայտաճաղավանդակների դեկորները:
![](http://jam-news.net/Uploads/Publication/1754/ContentImages/Hy-am/Goris_12.jpg)
Կան և դեպի բակ նայող պատշգամբներ: Համայնքային իշխանությունները պնդում են, որ բոլոր պատշգամներն իրենց մշտական ուշադրության կենտրոնում են և պահպանվելու են ամեն գնով:
![](http://jam-news.net/Uploads/Publication/1754/ContentImages/Hy-am/Goris_9.jpg)
Ճարտարապետ, Գորիսի համայնքապետարանի քաղաքաշինության և կոմունալ տնտեսության բաժնի պետ Գարեգին Փարսյանի խոսքով, պլանավորվում է առաջիկայում վերակառուցել քաղաքի պատմական կենտրոնը՝ պատշգամբներով, առանձնատների ճակատային մասերով, մայթերով, ամենակարևորը՝ ամբողջովին պահպանելով քաղաքի նախնական տեսքը: Լավ օրինակ Երևանի համար՝ ուր առանց վարանելու քանդում են բոլոր հին կառույցները:
![](http://jam-news.net/Uploads/Publication/1754/ContentImages/Hy-am/Goris_10.jpg)
![](http://jam-news.net/Uploads/Publication/1754/ContentImages/Hy-am/Goris_5.jpg)