Թբիլիսին տոնում է ԵՄ հետ վիզայի ազատականացումը

Թբիլիսին մարտի 26-27-ը տոնում է Եվրամիության երկրների հետ վիզային ռեժիմի չեղարկումը:

Ինչպես հաղորդել են Թբիլիսիի քաղաքապետարանում, կիրակի՝ մարտի 26-ին, վերակառուցած Աղմաշենեբելի պողոտայի հետիոտնային գոտում թեմատիկ դեկորացիաներ կտեղադրվեն: Ողջ օրվա ընթացքում «եվրոպական փողոցի» հյուրերին խոհարարական ակադեմիայի շեֆ-խոհարարների պատրաստած վրացական և եվրոպական խոհանոցի ուտեստներ կառաջարկվեն:

Ժամը 12-ից non-stop ռեժիմով ելույթ կունենան վրացի դիջեյներ: Երկու հատուկ մանկական խաղահրապարակներում երեխաների համար թեմատիկ խաղեր և զվարճանքներ կկազմակերպվեն: Մասնավորապես, ավելի մեծ երեխաները դրանցից մեկում կսովորեն ճամպրուկ հավաքել ճամփորդելու համար, անհրաժեշտ տեղեկատվություն կստանան պետական սահմանի հատման կանոնների մասին: Օրը կավարտվի տոնական համերգով:

Մարտի 27-ին Եվրոպայի հրապարակում վիզայի ազատականացման պատվին ինստալացիա կներկայացվի՝ Վրաստանի և Եվրամիության դրոշների լուսավորում, և տոնական մեծ գալահամերգ կանցկացվի: Դրան կմասնակցեն հայտնի կոլետկտիվներ և մենակատարներ: Եվրոպայի հրապարակի համերգը կմեկնարկի ժամը 21:00-ին:

Ով և ինչպես կարող է օգտվել առանց վիզայի ռեժիմից.

[yes_list]

• Վրաստանի քաղաքացիներն իրավունք կունենան գտնվելու Շենգենյան գոտում (այդթվում՝ Շենգենյան գոտի մտնելու հավակնորդ երկրների տարածք՝ Ռումինիա, Բուլղարիա, Կիպրոս,Խորվաթիա) առանց վիզայի 90-180 օր, ինչպես նաև՝ Շենգենյան մի երկրից մյուսըտեղափոխվելու:

• 90 օրից ավել մնալու դեպքում Վրաստանի քաղաքացին դուրս կբերվի Շենգենյան գոտուց, կձերբակալվի ու կվերադարձվի Վրաստան: Իսկ արդյունքում Վրաստանի քաղաքացին 5տարիչի կարողանա օգտվել վիզային ռեժիմի ազատականացման արտոնություններից:

• Առանց վիզայի ռեժիմից օգտվելու համար Վրաստանի քաղաքացին պետք է ունենակենսաչափական տվյալներով անձնագիր, ֆինանսական ապահովվածությունըհաստատողփոաստաթուղթ, հետադարձ տոմս ու հյուրանոցի ամրագրում: Վրաստանիքաղաքացին այս փաստաթղթերը ներկայացնում է անմիջապես սահմանին, այլ ոչ թեհյուպատոսարանում:

• Վիզային ռեժիմի ազատականացումը չի վերաբերում աշխատանքային միգրանտներին ուերկարաժամկետ կրթական վիզաներին: Նման տեսակի վիզա ստանալու համարՎրաստանի քաղաքացին պետք է դիմի հյուպատոսություն:

[/yes_list]

Ո՞ր դեպքերում առանց վիզայի ռեժիմը կարող է կասեցվել

[yes_list]

• Եթե Վրաստանը չհամագործակցի ռեադմիսիայի հարցում (Վրաստանից ԵՄ մեկնած ևարտաքսման ենթարկված սեփական և արտասահմանյան քաղաքացիների ընդունում):

• Եթե զգալիորեն աճի ապաստան փնտրողների թիվը,

• Եթե զգալիորեն աճեն ԵՄ սահմաններն ապօրինի հատելու դեպքերը:

[/yes_list]