Գերմանացի քաղաքական գործիչները մեղադրվում են Ադրբեջանից կաշառք ստանալու մեջ
Գերմանական խորհրդարանի պատգամավոր Կարին Ստրենցն ու նախկին պատգամավոր Էդուարդ Լինտները կասկածվում են, որ կաշառքի դիմաց պաշտպանել են Ադրբեջանի իշխանությոնների շահերը։ Նրանց նկատմամբ հետաքննություն է սկսվել։ Ստրենցը զրկվել է պատգամավորական անձեռնմխելիությունից։
Ստրենցը կասկածվում է ԵԽԽՎ–ում Ադրբեջանի իշխող ռեժիմի լոբբինգն անելու և դրա համար շուրջ 22 հազար եվրո ստանալու մեջ, փոխանցում է OCCRP–ը։
Իսկ Լինտներն, ըստ դատախազության, 2008-2016 թթ–ին շուրջ 4 մլն եվրո է ստացել, որոնց մի մասն իրեն էր հասնում, իսկ մնացածը նախատեսված էր ԵԽԽՎ որոշ անդամների կաշառելու համար, որպեսզի նրանք քաղաքական աջակցություն ցուցաբերեն ադրբեջանական իշխանություններին։
Ստրենցի վերաբերյալ կասկածները հայտնվել էին դեռևս մի քանի տարի առաջ։ 2019 թ–ի մարտին նա տուգանվել էր 20 հազար եվրոյով։ Այդ ժամանակ էլ հենց Transparency Germany հակակոռուպցիոն կազմակերպությունը բողոք էր ներկայացրել Ստրենցի և Լինտների դեմ, սակայն դատախազությունն այն ժամանակ հետաքննություն չէր սկսել։
• Կարծիք․ 3 լավ և 3 վատ նորություն Ադրբեջանում 2019 թ–ին
